Ուռուցքաբանության ազգային կենտրոնը, կարևորելով հիվանդությունների վաղ կանխարգելման դերը, ինչպես նաև անսալով բնակչության խնդրանքներին, Տավուշի մարզում կազմակերպել էր  անվճար ծառայություններ տրամադրող ակցիա:

Նոյեմբերի 11-ին Ն. Նասիբյանի անվան Նոյեմբերյանի բժշկական կենտրոնում Ուռուցքաբանության ազգային կենտրոնի մասնագետները ավելի քան 300 պացիենտի հետազոտել են, լսել գանգատները, անցկացրել մասնագիտական խորհրդատվություն:

Ակցիայի շրջանակում բնակիչներին հնարավորություն է տրվել անցնել ԱՆՎՃԱՐ սոնոգրաֆիկ (կրծքագեղձ, վահանաձև գեղձ, որովայնի օրգաններ և փոքր կոնք), դուպլեքս հետազոտություններ և ստանալ նեղ-մասնագիտական խորհրդատվություններ հետևյալ ծառայություններով՝մամոլոգիա, գինեկոլոգիա, թոքաբանություն, էնդոկրինոլոգիա, վնասվածքաբանություն-օրթոպեդիա, սրտաբանություն, նեյրովիրաբուժություն՝, ուրոլոգիա, քիթ-կոկորդ-ականջաբանություն:

Հետազոտությունների արդյունքում մեկ պացիենտի մոտ հայտնաբերվել է կրծքագեղձի քաղցկեղ, 3-ի մոտ՝ վահանաձև գեղձի քաղցկեղ: Հայտաբերվել են արգանդի բարորակ նորագոյացություն, դիֆուզ-ֆիբրոզ կիստոզ մաստոպատիա: Ստուգվողների մոտ բացահայտվել են այնպիսի առողջական խնդիրներ, ինչպիսիք են լեղաքարային հիվանդությունը, բազմահանգուցային խպիպը, ստորին վերջույթների վարիկոզ հիվանդություն և այլն:

Ակցիայի արդյունքները ևս մեկ անգամ վկայում են` ՊԵՏՔ Է ՀԱՃԱԽԱԿԻ ՍՏՈւԳՎԵԼ, հիվանդությունը կանխարգելել վաղ շրջանում

ՍՏՈՒԳՎԵ՛Ք, ԿԱՆԽԱՐԳԵԼԵ՛Ք Ու ԵՂԵ՛Ք ԱՌՈՂՋ 

Որպես նպատակ՝ ՔԱՂԱՔԱՑԻՆԵՐԻ ԱՌՈՂՋՈՒԹՅՈՒՆԸ

Որպես միջոց՝ ՄԵՐ ԱՇԽԱՏԱՆՔԸ

ՍԻՐՈՎ՝ ՈՒԱԿ