Շարունակական կրթությունը առաջնահերթություն դարձնելով՝ Ուռուցքաբանության ազգային կենտրոնը նախատեսում է Հայաստանում իրականացնել հետդիպլոմային աննախադեպ ծրագիր։ Միացյալ Նահանգներ մեկնած ՈՒԱԿ պատվիրակությունը նախագծի մեկնարկն ազդարարել է հոկտեմբերի 19-ին Ցինցինատի քաղաքում «Մեդունի» կազմակերպության աջակցությամբ կազմակերպված հանդիպմանը՝ ստորագրելով հուշագիր։

Ծրագրի մասնակիցները կստանան Միացյալ Նահանգների կրթական չափանիշներին համապատասխանեցված ուսուցում, որի ողջ ընթացքը կհամաձայնեցվի ԱՄՆ մասնագետների հետ։

Նահանգներից հրավիրված բժիշկները ներկա կգտնվեն նաև դասախոսություններին, իսկ ծրագրի ավարտին մասնակիցները հնարավորություն կունենան այցելել ԱՄՆ հիվանդանոցներ։

Մեկնարկող ծրագիրը կայուն հիմք և նոր հարթակ կդառնա Հայաստանում արևմտյան կրթական մոդելի ներդրման և նեղ մասնագիտական կրթության բարելավման համար։