Չարորակ նորագոյացությունների թվաքանակով կրծքագեղձի քաղցկեղը 2023 թվականի տվյալներով Հայաստանում առաջին տեղում է
Կրծքագեղձի քաղցկեղի դեմ պայքարում կարևոր բաղադրիչ են խնդրի պատշաճ բարձրաձայնումը և իրազեկման ակցիաների անցկացումը։
Ըստ տարիքային խմբերի և սեռի կյանքում առաջին անգամ հաստատված ախտորոշումով հաճախակի հանդիպող չարորակ նորագոյացությունների թվաքանակով կրծքագեղձի քաղցկեղը 2023 թվականի տվյալներով Հայաստանում առաջին տեղում է՝ 1511 դեպք:
Ուռուցքաբանության ազգային կենտրոնի Ընդհանուր և մանկական ուռուցքաբանության և ռեկոնստրուկտիվ վիրաբուժության բաժանմունքի ղեկավար Մհեր Կոստանյանը նշում է՝ կրծքագեղձի քաղցկեղն ունի երկարատև նախակլինիկական շրջան, և կա հնավորություն հայտնաբերել հիվանդությունը վաղ շրջանում։ Սա էլ իր հերթին բերում է կրծքագեղձի քաղցկեղը լիարժեք բուժելու հավանականություն բարձրացմանը։
