Եվս մեկ հաջողված գիտական միջոցառումը՝ Հայկական ուռուցքաբանական 4-րդ կոնգրեսը, ավարտեց իր աշխատանքները՝ արձանագրելով, որ հայկական ուռուցքաբանության զարգացման մեջ ամենամյա Կոնգրեսն իր ուրույն տեղն ու դերն ունի: 

Քաղցկեղի բուժմանն ու կանխարգելմանը նվիրված շուրջ 50 զեկույց, 300-ից ավելի պատվիրակներ՝ Հայաստանից, Ռուսաստանից, ԱՄՆ-ից, Մեքսիկայից, Հնդկաստանից, Եվրոպայից, Իրանից, Քաթարից, Վրաստանից, Ուրուգվայից և Ուկրաինայից, փորձի փոխանակում և խնդիրների քննարկում:

Կոնգրեսի ավարտին ընտրվեցին հայաստանյան լավագույն 3 զեկուցողները՝ Տիգրան Բյուզանդյանը, Արտեմ Գրիգորյանը և Հայկ Բաբայանը։ Վերջիններիս տրամադրվեց գիտաթոշակ` բացառապես հետագա գիտական առաջխաղացման նպատակով (բարձր վարկանիշով գիտական հանդեսներում տպագրվելու, արտերկրում գիտաժողովներին ու թրեյնինգներին մասնակցելու և այլնի համար):

Շնորհակալություն ենք հայտնում բոլոր զեկուցողներին, մասնակիցներին, գործընկերներին և կազմակերպիչներին, որ իրականություն դարձրին #AOC2024 Հայկական ուռուցքաբանական IV կոնգրեսը:

Լիահույս ենք, որ բոլորով կրկին կհանդիպենք հաջորդ տարի՝ Հայկական ուռուցքաբանական հոբելյանական՝ V կոնգրեսին:

2-րդ օրվա լուսանկարները՝ bit.ly/3w5WZab