Հունվարի 25-ին Դիլիջանում տեղի է ունեցել «Հայաստանի բժշկական հաստատությունների միություն» հասարակական կազմակերպության անդամների փակ հանդիպումը ՀՀ առողջապահության նախարար Անահիտ Ավանեսյանի, նախարարի տեղակալներ Լենա Նանուշյանի, Լևոն Հակոբյանի, Արտակ Ջումայանի և ԱՆ ներկայացուցիչների հետ:

Հանդիպման սկզբում ԱՆ նախարարը ամփոփեց նախորդ տարին և ներկայացրեց 2025-ի անելիքները:

Առողջապահության նախարարն արձանագրեց, որ բժշկական հաստատությունների միջև առկա է առողջ և ուժեղ մրցակցություն:

ՀԿ նախագահ, ՀՀ ԱՆ Վ.Ա. Ֆանարջյանի անվան ուռուցքաբանության ազգային կենտրոնի տնօրեն Նարեկ Մանուկյանը ողջույնի խոսքում կարևորեց միության դերը որպես ոլորտում առկա խնդիրները քննարկելու միասնական հարթակ:

Հանդիպման ընթացքում հարց ու պատասխանի միջոցով միության անդամները նախարարության ներկայացուցիչների հետ քննարկեցին ֆինանսական հարցերը, առողջապահական ապահովագրության ներդրման մեխանիզմները, բժշկական պարագաների, դեղորայքի և սարքավորումների ձեռքբերման խնդիրները: