Վեցամյա Ջոն Օլիվեր Զիպեյը երեք տարի պայքարել է լեյկեմիայի (արյան քաղցկեղի) դեմ, և բոլորովին վերջերս՝ կաթոլիկ Սուրբ Ծննդից երկու օր անց ավարտել է քիմիաթերապիայի վերջին փուլը։ Այս շաբաթ տղան վերադարձել է Նյուբերիի (Օհայո նահանգ) Սուրբ Հեղինեի կաթոլիկ դպրոց, որտեղ համադասարանցիները նրան ծափահարություններով են դիմավորել, հայտնում են ամերիկյան լրատվամիջոցները։

«Ծնողը միշտ ուզում է, որ իր երեխան նորմալ մանկություն ունենա, - ասում է երեխայի մայրը՝ Մեգանը։ - Որ նա դրսում խաղա և զվարճանա։

Մինչ օրս նա կարծես պարկի մեջ լիներ, այնպես որ մենք անհամբեր սպասում ենք, թե ինչ կլինի հետո։ Մենք երջանիկ ենք, որ մեր փոքրիկը կրկին մեզ հետ է»։

Ջոնի՝ քաղցկեղի դեմ պայքարին նվիրված ֆեյսբուքյան էջում կինը հուզիչ գրառում է կատարել․ «Մենք մեր կյանքի նոր գլուխ ենք սկսում, հասկանալով, թե որքան հաջողակ ենք մենք, և որքան փխրուն է կյանքը։ Այս ճամփորդությունը բացեց մեր աչքերը, մենք տեսանք որքան բարի, կարեկից և հոգատար են մեզ շրջապատող մարդիկ։ Առանց Ձեզ մենք չէինք հաղթահարի այս ամենը»։