Քաղցկեղի բուժման մուլտիդիսցիպլինար մոտեցում
Ամբողջ աշխարհում լայն տարածում ունի քաղցկեղի բուժման մուլտիդիսցիպլինար մոտեցումը:
Այսինքն. հավաքվում է բուժաշխատողների աշխատանքային խումբ, ովքեր միասին կազմում են ուռուցքով հիվանդի բուժման պլանը: Խմբում ընդգրկվում են. ախտորոշման ծառայության բժիշկներ, վիրաբույժներ, քիմիաթերապևտներ, ճառագայթաբաններ, մորֆոլոգներ: Հիմք ընդունելով միջազգային ուղեցույցները՝ հաշվի են առնվում բոլոր թվարկված մասնագետների կարծիքները, կատարվում է քննարկում և բուժական ռազմավարության պլանավորում. բուժման մեթոդների ընտրությունն ու դրանց հերթականությունը: Նման քննարկումները կոչվում են tumor board:
Հենց այսպիսի մոտեցում է կիրառվում Ուռուցքաբանության ազգային կենտրոնում ուռուցքային հիվանդությունների բուժման մեջ:
Դա կատարվում է յուրաքանչյուր օր՝ կենտրոնի ամբողջ բժշկական անձնակազմի մասնակցությամբ, և շաբաթը 1 կամ 2 անգամ՝ նեղ մասնգետների խմբում:
