Կարևորելով ձեր առողջությունն ու կյանքի որակը՝ ՈւԱԿ-ը շարունակում է համալրվել գերժամանակակից սարք-սարքավորումներով և նոր ծառայություններով
Օրերս Ուռուցքաբանության ազգային կենտրոնում հյուրընկալել էինք պրոֆեսոր, բ.գ.դ., բարձրագույն որակավորման կատեգորիայի ուլտրաձայնային ախտորոշման բժիշկ, Մոսկվայի քաղաքային ուռուցքաբանական հիվանդանոցի ուլտրաձայնային ախտորոշման բաժանմունքի վարիչ Վլադիմիր Կապուստինին:
Բժիշկ Կապուստինը #SmartFusion տեխնոլոգիայով իրականացրեց մի շարք հետազոտություններ, այդ թվում՝ շագանակագեղձի և լյարդի բիոպսիաներ։ Հետազոտություններն իրականացվեցին ՈւԱԿ-ի նոր CanonMedical-ի Aplio i800 ուլտրաձայնային համակարգով։
Ուրախությամբ ուզում ենք նշել, որ հետազոտություններն իրենց տեսակով առաջինն էին Հայաստանում։ Սարքավորումը հնարավորություն է տալիս համատեղել նախկինում կատարված ՀՇ կամ ՄՌՇ հետազոտությունն իրական ժամանակում իրականացվող ուլտրաձայնային հետազոտության հետ` այս կերպ արդյունքները դարձնելով ավելի ճշգրիտ:
Ինչպես նշել է բժիշկ Կապուստինը՝ #SmartFusion-ը շատ առավելություններ ունի՝ արագ է, անցավ, բարձրացնում է ախտորոշման հստակությունը՝ կրճատելով կրկնակի միջամտությունների քանակը և ապահովելով բուժառուի հարմարավետ փորձառություն։
Այսուհետ` մեր բուժառուների հետազոտություններն կիրականցվեն նաև այս սարքով՝ հնարավորություն տալով տեսնել նախկինում անտեսանելին:
