Վ. Ա. Ֆանարջյանի անվան ուռուցքաբանության ազգային կենտրոնում օրերս կազմակերպվել էր վիրաբույժների կլոր սեղան-քննարկում կրծքագեղձի ժամանակակից օնկոպլաստիկայի և ռեկոնստրուկցիայի վերաբերյալ:

Կրծքագեղձը դարեր ի վեր ասոցացվել է կանացիության և մայրության հետ: Այնպես որ, կրծքագեղձի կորուստը մեծ հոգեբանական հարված է կնոջ համար ցանկացած տարիքում: Այդ իսկ պատճառով ՈւԱԿ-ում մեծ նշանակություն են տալիս վիրաբուժության այս ոլորտի զարգացմանը մեր կենտրոնում:

Քննարկմանը ներկա էր ԱՄՆ-ից ժամանած պլաստիկ վիրաբույժ Արթուր Սալիբյանը: Բժիշկը տարին երկու անգամ այցելում է Վ.Ա. Ֆանարջյանի անվան ուռուցքաբանության ազգային կենտրոն և կենտրոնի բժիշկների հետ համատեղ կատարում կրծքագեղձի վերականգնողական վիրահատություններ: Պարոն Սալիբյանն իր այցով մասնագիտական փորձն է փոխանցում մեր բժիշկներին: Տեղեկացնենք, որ բժիշկ Սալիբյանը ԱՄՆ-ում  իր կողմից հիմնել է բարեգործական հիմնադրամ, որի նպատակն է ամեն կերպ սատարել Հայաստանում օնկովիրաբուժության այս ոլորտի զարգացմանը:

Հայաստան այցելելիս բժիշկը մեր հիվանդներին իր բարեգործական աջակցությունն է ցուցաբերում՝ անվճար տրամադրելով տարբեր տեսակի իմպլանտներ եւ էքսպանդերներ:

«Կլոր սեղանը» վարում էր ՈՒԱԿ-ի տնօրեն, պրոֆեսոր Ա. Տանանյանը, ով չէր թակցնում այն փաստը, որ կրծքագեղձի վերականգնողական վիրաբուժության զարգացումը կենտրոնի մի շարք ամբիցիոզ նախագծերից մեկն է: Կլոր սեղանի ընթացքում եղան քննարկումներ այս ոլորտի առկա խնդիրների ու խոչընդոտների և ապագա անելիքների շուրջ, ինչպես նաեւ պարոն Սալիբյանը մեր բժիշկների անցած ուղու մասին իր գնահատականն ու կարծիքը ներկայացրեց:

«Կլոր սեղանին» զեկույցով ելույթ ունեցան կենտրոնի ուռուցքաբաններ, կրծքագեղձի վիրաբույժներ՝ Արթուր Ավետիսյանը և Մհեր Կոստանյանը: Բժիշկները ներկայացրեցին իրենց փորձը, ներկայացրեցին տարբեր տեսակետներ և տարբեր մոտեցումների առավելություններն ու թերությունները:

Պարոն Սալիբյանը իր խոսքում ասեց, որ ողջունելի է այն, որ տեղի բժիշկներն անվճար վիրահատություններ են իրականացնում, կամ հիվանդները սիմվոլիկ գումար են վճարում կենտրոնին նման վիրահատությունների դիմաց: Նման վիրահատությունները աշխարհում շատ թանկ են: Կենտրոնի բժիշկները այսօր ինքնուրույն կատարում են կրծքագեղի ռեկոնստրուկցիա, որը շատ ողջունելի է: Հայաստանում առաջին վիրահատութունն իրականացվել է չորս տարի առաջ, երբ իմ այցի շրջանակում վիրահատվեց 1-2 հիվանդ, մինչդեռ վերջին տարիներին Հայաստան իմ յուրաքանչյուր այցի շրջանակում կատարում ենք շուրջ 30 վիրահատություն: Այս վիրահատությունների ընթացքում անվճար իմպլանտներ տրամադրելիս առվելությունը տալիս ենք այն կանանց,  ովքեր սոցիալապես անապահով են:

Քննարկման ընթցքում խոսվեց նաև ապագայում նոր վիրահատական մեթոդների ներդրման շուրջ, որոնք նույնպես ցանկալի է կազմակերպել Հայաստանում