Մայիսի 24-ից հունիսի 10-ը Ուռուցքաբանության ազգային կենտրոնում ամերիկահայ վիրաբույժ Արթուր Սալիբյանի հետ կատարվեցին կրծքագեղձի  վիրահատություններ՝  հեռացված կրծքագեղձի վերականգնում՝ ինչպես մարմնի սեփական հյուսվածքներից, այնպես էլ իմպլանտների կամ էկսպանդերների կիրառմամբ:

Կատարվել են նաև վիրահատություններ, որոնց դեպքում կուրծքը հեռացվել է ենթամաշկային եղանակով, այսինքն՝ պահպանվում են և՛ մաշկը և՛ պտուկը, որին անմիջապես հաջորդել է պլաստիկ վիրահատություն:

Բժիշկ Սալիբյանի հետ համագործակցությունը թույլ է տալիս ընդօրինակել կրծքագեղձի օնկօպլաստիկայի ամերիկյան փորձը և զարգացնել այն մեր կենտրոնում: