Ուռուցքաբանության ազգային կենտրոնը աշխատում է բաց չթողնել օրացույցային կարևոր տոները և իր ներդրումն ունենալ դրանք նշանավորելու գործում։

Ունենալ կրթված և իրազեկված հասարակություն․ ահա սա՛ է մեր կենտրոնի գործունեության առանցքներից մեկում։ Եվ հենց վերոնշյալը հաշվի առնելով՝ Ուռուցքաբանության ազգային կենտրոնն իր մեծ դահլիճում հյուրընկալեց 100-ից ավելի երեխաների։

Նպատակը մեկն էր՝ երեխաներին տալ արտակարգ իրավիճակներում արագ կողմնորոշվելու և արձագանքելու գիտելիքներ, առաջին օգնություն ցուցաբերելու հմտություններ։ 

Միջոցառման անցկացման և առաջին օգնության մասին տեսական և գործնական գիտելիներ փոխանցելու հարցում մեզ օգնեցին Armenian Red Cross Societyի մեր գործընկերները, իսկ երեխաներին տոնի առթիվ փոքրիկ նվերներ էր պատրաստել «ՄՍ ԵՎ ԸՆԿԵՐՆԵՐ» ՍՊԸ-ն։

Փոխանցած գիտելիքներով՝ մենք ցանկանում էինք շնորհավորել երեխաների գիտելիքի և դպրության գալիք օրը։ 

Սիրելի՛ երեխաներ, մեր պետության զարգացման ու հզորացման առաջնային գրավականներից մեկը գիտելիքն է։ Թող նոր ուսումնական տարին ձեզ տա նոր հնարավորություններ՝ ձգտելով դեպի բարին, դեպի պայծառ ապագան։

Շնորհավորում ենք բոլորիդ սեպտեմբերի 1-ի` Գիտելիքի և դպրության օրվա առթիվ։