ՀՀ ԱՆ Վ․Ա․ Ֆանարջյանի անվան Ուռուցքաբանության ազգային կենտրոնի 500-ից ավելի  աշխատակիցներն այսուհետ կունենան կամավոր բժշկական ապահովագրության պայմանագիր, որի համար կվճարի բուժկենտրոնը։

Այսօր՝ օգոստոսի 27-ին, Ուռուցքաբանության ազգային կենտրոնը և «Նաիրի Ինշուրանս» ընկերությունը կնքեցին աշխատակիցների կամավոր բժշկական ապահովագրության պայանագիր՝ 4,000,000 ՀՀ դրամ առավելագույն ծածկույթով յուրաքանչյուր ապահովագրված անձի համար։

Փաթեթը ներառում է տարեկան կանխարգելիչ բուզննում, ամբուլատոր բուժօգնություն, շտապ և անհետաձգելի բժշկական օգնություն, ստացիոնար, թերապևտիկ և վիրաբուժական բուժօգնություն, այդ թվում՝ սրտի բարդ վիրահատություններ։

Ներառված են նաև ուռուցքաբանական բուժման այն ծախսերը, որոնք ընդգրկված չեն պետպտավերով տրամադրվող բժշկական ծառայությունների մեջ։