Ուռուցքաբանության ազգային կենտրոն այցելում են բազմապիսի զբաղվածություն և ընտանեկան կարգավիճակ ունեցող բուժառուներ: Շատերը կենտրոն են գալիս իրենց երեխաների հետ, նրանց ներկայությամբ անցնում հետազոտություններ, նրանց մոտ ստանում դեղորայքային բուժում, սպասում միջանցքներում և այլն:

Հետամուտ լինելով խնդրի լուծմանը`որոշվեց ՈւԱԿ-ում երեխաների համար խաղասենյակ ստեղծել՝ այս կերպ ապահովելով նրանց մանկության բնականոն ընթացքը՝ լի խաղերով, գույներով և դրական հույզերով: 

Մանկական սենյակում առկա են բոլոր հարմարությունները երեխաների առօրյան կազմակերպելու համար` նկարչական պարագաներ, կինետիկ ավազ, գունեղ ու զարգացնող խաղեր ու խաղալիքներ: 

Երեխաների հետ կլինի արհեստավարժ մասնագետը, որն ունի համապատասխան որակավորումներ, երեխաների հետ աշխատանքի անհրաժեշտ գիտելիքներ, բազմամյա փորձ և հմտություններ:

Հարգելի՛ բուժառուներ, այսպիսով` 

• այսուհետ կարող եք մի քանի ժամով թողնել ձեր երեխային մասնագետի մոտ, հանգիստ անցնել ձեր բոլոր հետազոտություններն ու խորհրդատվությունները, ստանալ քիմիաթերապիա` վստահ լինելով, որ երեխան ապահով ձեռքերում է: Մանկական սենյակի ծառայությունն անվճար է և նախատեսված է մեր կենտրոն այցելող բոլոր բուժառուների համար: 

Մանկական սենյակի աշխատանքային գրաֆիկը՝ երկուշաբթիից ուրբաթ՝ 08:30-16:00: 

Լուսանկարները հրապարակվել են ծնողների համաձայնությամբ: