Սիրելի՛ կանայք,

ջերմորեն շնորհավորում ենք ձեզ Մայրության և գեղեցկության տոնի առթիվ: 

1995 թվականից մեր երկրում ապրիլի 7-ը նշվում է որպես Մայրության և գեղեցկության օր՝ օրացույցում ավելացնելով ոչ միայն ևս մեկ տոնական օր, այլև մեր կանանց գովաբանելու, մեր երախտիքը հայտնելու լրացուցիչ գեղեցիկ առիթ: Ամեն տարի ապրիլի 7-ին Հայ Առաքելական եկեղեցին նշում է Սուրբ Մարիամ Աստվածածնի Ավետման տոնը, ինչը լրացնում է այն խորհուրդը, որ մեր ժողովուրդը դրել է մայրերին ուղղված սիրո, հարգանքի և մեծարանքի հիմքում:

Սիրելի՛ մայրեր,

ցանկանում ենք քաջառողջություն, ամենալավն ու բարին, մաղթում ձեզ ուժ ու եռանդ՝ պահպանելու և սերունդներին փոխանցելու համար իմաստությունը, քաջությունը, բարությունը, որոնք ձեր էության զարդն են:

Թող սերն ու ժպիտը անբաժան լինեն ձեզանից, որպես հատուցում՝ ձեր կողմից ցուցաբերվող անչափ հոգատարության, ջանասիրության ու նվիրումի:

Սիրելի՛ կանայք,

կրկին շնորհավորելով ձեր տոնը` մաղթում ենք երջանկություն, ընտանեկան ջերմություն և աշխատանքային հաջողություններ: Եվ, որն ամենակարևորն է, ցանկանում ենք առողջություն՝ ձեզ և ձեր ընտանիքներին: Եթե անգամ դուք այսօր հիվանդանոցում եք, մի պահ դուրս նայեք, ու կտեսնեք վերածնվող բնությունը։ Այդ ծիրանենիները ծաղկում են ձեզ համար։