Ուռուցքաբանության ազգային կենտրոնի Պալիատիվ կլինիկայի ստացիոնար ծառայությանը զուգահեռ ՈՒԱԿ-ը գործարկում է վճարովի ամբուլատոր պալիատիվ ծառայությունը՝ ցավի կառավարումը և հոգեսոցիալական օգնությունը հասանելի դարձնելով հենց պացիենտի բնակության վայրում։

Ամբուլատոր ծառայությունը մատուցում է հատուկ խումբ, որում ըստ անհրաժեշտության կարող են ներգրավված լինել բժիշկ-ուռուցքաբան, պալիատիվ խնամքի բժիշկ, վիրաբույժ, ռադիոլոգ, հոգեբաններ, սոցիալական աշխատող, հոգեբույժ,  պալիատիվ խնամքի բուժքույր, պալիատիվ խնամքի մայրապետ։

Յուրաքանչյուր դեպքի համար կազմում է բուժման անհատական պլան։ Ցավազրկման կարիք ունեցող պացիենտներին տնային այցի ընթացքում ապահովում են համապատասխան դեղորայքով, կազմակերպում են խորհրդատվություններ բուժող բժշկի և նեղ մասնագետների հետ, իրականացնում են պառկելախոցերի, վերքերի արտաքին մշակում, միզային կատետերների, նազոգաստրալ զոնդերի տեղադրում կամ փոխարինում և այլն։

ՈւԱԿ Պալիատիվ կլինիկայի այս ծառայությունը նաև պացիենտի հարազատներին փոխանցում է խնամքի անհրաժեշտ հմտությունները և պահպանում է շարունակական կապը նրանց հետ։

Այցն իրականացվում է ՈւԱԿ-ի փոխադրամիջոցով: Ծառայության մասին հավելյալ մանրամասների և կանչ գրանցելու համար գործում է 87-00 հեռախոսահամարը։