Ուռուցքաբանության ազգային կենտրոնում սեպտեմբերի 28-ին և 29-ին անցկացվել են ՊՕԷՄ մաստերկլասներ։

Սանկտ Պետերբուրգի համալսարանական կլինիկայի վիրաբույժ-էնդոսկոպիստներ Կիրիլ Շիշինը և Ալեքսանդր Սմիրնովը երկու օր վիրահատություններ են անցկացրել ՈՒԱԿ-ի վիրահատարանում։ Մասնագետները ցույց են տվել ՊՕԷՄ վիրահատության առանձնահատկությունները, կատարելու նրբություններն ու ձևերը։

ՊՕԷՄ վիրահատությունը համարվում է էնդոսկոպիկ ամենաբարդ վիրահատություններից մեկը, և այսուհետ այն կանցկացվի նաև Ուռուցքաբանության ազգային կենտրոնում։ Այն կկատարի ՈՒԱԿ Որովայնային և էնդովիրաբուժության բաժանմունքի էնդոսկոպիստ Վլադիմիր Նահապետյանը։

ՊՕԷՄ-ը էնդոսկոպիկ եղանակով կերակրափողի շրջանային մկանների հատումն է։ Այն իրականացվում է ախալազիայի դեպքում։

Ախալազիան կերակրափողի նյարդամկանային հիվանդություն է, որի ժամանակ մկանային գերկծկման պատճառով խաթարվում է կերակրափողի անցանելիությունը։ Աշխարհում այն հանդիպում է խիստ հազվադեպ։

ՊՕԷՄ վիրահատության մաստերկլասները անցկացվել են Armenian Association of Endoscopic Surgery-ի կազմակերպած եռօրյա կոնֆերանսի` «Yerevan ENDO Days»-ի շրջանակում։

Վիրահատության տեսանյութերը կարող եք դիտել 

Օր առաջին՝ shorturl.at/inV49 

Օր երկրորդ՝ shorturl.at/ilzD7