News

ՈՒԱԿ-ում իրականացվում է ստորին խեցիների լազերային մշակում` տեղային անզգայացմամբ․ այն անցավ է և ապահովում է արագ ապաքինում

Ուռուցքաբանության ազգային կենտրոնի «Հյումն» էնդոսկոպիկ ռինոլոգիական վիրաբուժության բաժանմունքում իրականացվում են մի շարք միջամտություններ, մասնավորապես՝ ստորին խեցիների լազերային կորեկցիա:

Քթային դժվարաշնչություն, քթի անընդհատ փակվածություն, քթահոսություն․ սրանք այն նշաններն են, որոնք կարող են պայմանավորված լինել շնչառական համակարգի տարբեր խնդիրներով: Առավել հաճախ հանդիպող պատճառներից է ստորին խեցիների գերաճը։ Ի դեպ, խոսքը ժողովրդական լեզվում հայտնի «քթի միս» արտահայտության մասին է։

Ստորին խեցիների գերաճին կարող են նպաստել արտաքին (օդի աղտոտվածությունը, փոշու, քիմիական նյութերի հետ աշխատանքը և այլն) և ներքին (քթի խոռոչի անատոմիական առանձնահատկությունները, քթի միջնապատի շեղվածությունը, քրոնիկ սինուսիտները, ալերգիկ նախատրամադրվածությունը և այլն) գործոններ։

Ստորին խեցիների մեծացումը, հանգեցնելով քթային դժվարաշնչության, կարող է բերել քրոնիկ թթվածնաքաղցի, որը կարող է առաջացնել տարբեր օրգան համակարգերի խանգարումներ՝ նյարդային, սիրտ-անոթային, մշտապես հոգնածության, օդի պակասի զգացողության, գլխացավերի, սրտխփոցի և այլն։

«Հյումն» էնդոսկոպիկ ռինոլոգիական վիրաբուժության բաժանմունքում ստորին խեցիների խնդիրների շտկումն իրականացվում է դրանց լատերոպոզիցիայի ու կոագուլյացիայի միջոցով: Միջամտության տևողությունը շատ կարճ է՝ 10-15 րոպե։

Այս միջամտությունը տեղային անզգայացմամբ չի իրականացվում, եթե առկա է քթի միջնապատի արտահայտված թեքվածություն։ Այդ դեպքում անհրաժեշտ է իրականացնել համակցված վիրահատություն՝ քթի միջնապատի թեքվածության շտկում՝ ընդհանուր անզգայացման պայմաններում:

Տեղային անզգայացման առավելությունները՝

  • միջամտության ընթացքում ցավի, դիկոմֆորտի զգացողության բացառում,
  • ինարավոր է իրականացնել նաև սեդացիայով (այսինքն՝ միջամտության ողջ ընթացքում պացիենտը քնած է լինում),
  • միջամտության օրը պացիենտը դուրս է գրվում հիվանդանոցից,
  • անհարմար ու մեծ տամպոնների փոխարեն կիրառվում են սիլիկոնային ներդիրներ, որոնք չեն խանգարում քթային շնչառությանը և միջամտությունից 2-3 օր անց հեռացվում են,
  • վերականգնողական ընթացքը զգալի կրճատվում է։

Բաժանմունքում ստեղծված են բոլոր հնարավորությունները, որպեսզի դուք այստեղից դուրս գաք՝ մոռանալով շնչառական բարդությունների ու անհարմարությունների մասին։

Մեր մասնագետները կհոգան այդ մասին։

Հարցերի դեպքում կարող եք զանգահարել նշված հեռախոսահամարներով՝ 033 92 92 41 , 010 20 50 50:

16-09-2024

Սեպտեմբերը շագանակագեղձի քաղցկեղի իրազեկման ամիսն է․ Հարցազրույց Կարեն Ծառուկյանի հետ

Սեպտեմբերը շագանակագեղձի քաղցկեղի իրազեկման ամիսն էՀայաստանում օնկոուրոլոգիական հիվանդությունների շարքում տարեկան արձանագրվում է շագանակագեղձի քաղցկեղի 300 նոր դեպք:ՀՀ ԱՆ Վ.Ա. Ֆանարջյանի անվան

14-09-2024

Make Sense Campaign 2024-ի շրջանակներում գլխի և պարանոցի ուռուցքների իրազեկման շաբաթին կմասնակցի նաև Հայաստանը

Այս տարի առաջին անգամ՝ սեպտեմբերի 16-21-ին, Հայաստանը վեբինարով կմասնակցի Եվրոպայի Գլխի և պարանոցի վիրաբուժության միության կազմակերպած իրազեկման շաբաթին:Վեբինարի նպատակն է ուսանողներին, օրդինատորներին

12-09-2024

1 տարի շարունակ մատուցելով լավագույնը․ ՈւԱԿ 3 բաժանմունքներ ամփոփում են 1-ամյա գործունեությունը

1 տարի շարունակ մատուցելով լավագույնըՈւռուցքաբանության ազգային կենտրոնի 3 բաժանմունքներ այսօր դարձան 1 տարեկան․ Ախտորոշիչ ծառայությանը կից ՄՌՏ-ի մասնաշենքը, Անոթային և էնդովասկուլյար
Կանխի՛ր կոռուպցիան

Ազդարարման հարցերով պատասխանատու՝ Գոռ Թանայան

ՈՒԱԿ անձնակազմի հաշվառան և գրանցման մասնագետ

Հեռախոսահամարներ՝ 010 205050 - 134 , +347 99 993499

Էլեկտրոնային հասցե՝ gtankyan@bk.ru

Հարգելի՛ այցելուներ,

որակի բարելավման նպատակով խնդրում ենք ձեր առաջարկներն ու դիտարկումներն ուղարկել ՈւԱԿ տնօրեն Նարեկ Մանուկյանին՝ fanarjiansdirector@gmail.com հասցեով։

Ձեր վստահությունը մեր լավագույն գնահատականն է