35 և ավելի տարիներ ՈՒԱԿ-ի հետ. ու նորից՝ շնորհակալություն
Գարնանային այս գեղեցիկ օրը պատեհ առիթ է երախտիքի, գնահատանքի ու մեծարանքի խոսքեր ասելու կանանց և արժևորելու նրանց անգնահատելի դերն ընտանիքում, աշխատավայրում և հանրային կյանքում:
Ուռուցքաբանության ազգային կենտրոնը, օգտվելով այս գեղեցիկ օրվա խորհրդից, իր շնորհակալությունն է հայտնել կենտրոնում անձնվեր աշխատող կանանց:
ՈՒԱԿ տնօրեն Նարեկ Մանուկյանի անունից շնորհակալագրեր են տրվել կենտրոնում 35 ու ավելի տարիներ աշխատող միջին և կրտսեր բուժանձնակազմի կանանց:
Այս կանանց դերն անչափելի է ոչ միայն մեր կենտրոնի բնականոն գործունեության, այլև պետության ու հասարակության համար։ Երկարուձիգ տարիներ նրանք աշխատել են ՈՒԱԿ-ում: Անտրտունջ, նվիրումով իրենց դերն ունեցել կենտրոնի աշխատանքում, դրա զարգացման ու պատմության մեջ: Ու նորից՝ շնորհակալություն …
Սիրելի կանայք,
ապրիլի 7-ը նաև Առողջության համաշխարհային օրն է: Ու սա ևս մեկ առիթ է` կենտրոնանալու ու հետևողական լինելու ձեր առողջությանը:
Թող գարունները ձեր կյանքում լինեն անսպառ, գործերում շարունակ ուղեկցի հաջողությունը, և, որն ամենակարևորն է՝ լինեք առողջ և երջանիկ: Ու նորից՝ շնորհավոր …
