Բացառիկ չափի՝ 43 սմ-անոց և հազվադեպ հանդիպող բարորակ գոյացությունը հաջողությամբ հեռացվել է
67-ամյա տղամարդը գանգատվել է որովայնի շրջանում ցավից։ Նրա մոտ առկա է եղել փորկապություն, հաճախամիզություն, թուլություն, պարբերաբար փսխումներ, զարկերակային ճնշման տատանում։ Հետազոտությունների արդյունքում որովայնի խոռոչում հայտաբերվել է գիգանտ՝ մոտ 43 սմ-անոց գոյացություն՝ հյուսվածքային և բազմախոռոչանի կիստոզ կոմպոնենտով։
Նոյեմբերի 11-ին իրականացվել է վիրահատություն և գոյացությունը հեռացվել է։ Վիրահատության ընթացքում պարզ է դարձել, որ գոյացությունը ոչ մի օրգանում ներաճ չէր ունեցել, սակայն որովայնի օրգանները հրվել էին դեպի հետ և փոքր կոնքի ուղղությամբ։ Վիրահատությունը կատարել են ՈՒԱԿ Որովայնային և էնդովիրաբուժության բաժանմունքի բժիշկներ Արթուր Առաքելյանն ու Արմեն Նիկողոսյանը, անեսթեզիոլոգ` Սամվել Պողոսյանը:
Որովայնի խոռոչի գիգանտ գոյացության (մեզենխիմիալ ուռուցք՝ հյուսվածքային և բազմախոռոչավոր կիստոզ կոմպոնենտով)։ Չնայած չափերին՝ նմանատիպ ուռուցքները համարվում են բարորակ, հազվադեպ է հանդիպում ուռուցքի ռեցիդիվ և մետաստազավորում։
Վիրահատությունից հետո հիվանդն առողջացումով դուրս է գրվել վիրաբուժական ստացիոնարից։ ՈւԱԿ մասնագետներն արել են ամեն ինչ, որպեսզի նա վերադառնա իր առօրյա կյանքին։
Գնահատե՛ք ձեր առոջությունը, պարբերաբար հետազոտվե՛ք, ժամանակին դիմե՛ք բժշկի։
