Բժիշկ ռադիոլոգ Հասմիկ Դավթյանը «երկարատև, անբասիր աշխատանքի, ինչպես նաև ախտորոշման ծառայության զարգացման գործում ներդրած գնահատելի ավանդի համար» պարգևատրվել է ՀՀ առողջապահության նախարարության պատվոգրով։

ՀՀ ԱՆ Վ․Ա․ Ֆանարջյանի անվան Ուռուցքաբանության ազգային կենտրոնը շնորհավորում է մեր մամոգրաֆիկ ծառայության դեմքը հանդիսացող Հասմիկ Դավթյանին։

Շնորհակալություն ենք հայտնում նրա՝ ի նպաստ կենտրոնի զարգացման գործունեության համար։ Նրա մասնագիտական և մարդկային բարձր որակների մասին է խոսում պացիենտների անվերջանալի հոսքը։

Նրա ճշգրիտ ախտորոշումների շնորհիվ հնարավոր է ապահովել կրծքագեղձի քաղցկեղով հիվանդ բազմաթիվ կանանց արդյունավետ բուժում։ Նրա հորդորներին անսալով՝ բազմաթիվ կանայք անցնում են կանխարգելիչ հետազոտություններ՝ քաղցկեղը վաղ փուլերում հայտնաբերելու համար։

Հասմիկ Դավթյանը նաև ակտիվ ներգրավված է կրծքագեղձի քաղցկեղի կանխարգելման պետական ծրագրում։

Մեր սիրելի բժշկուհուն մաղթում ենք երջանկություն և երկար տարիների առողջ կյանք: