Կոլպոսկոպը օպտիկական, մանրադիտակային  համակարգ է, որի միջոցով հնարավոր է ախտորոշել արգանդի պարանոցի հեշտոցային հատվածի, հեշտոցի և արտաքին սեռական օրգանների ախտահարումները վաղ շրջանում։

Կոլպոսկոպիան համարվում է «ոսկե ստանդարտ» արգանդի պարանոցի նախաքաղցկեղային վիճակների հայտնաբերման համար։ Այն շատ արդյունավետ հետազոտության մեթոդ է և միևնույն ժամանակ՝ ոչ ինվազիվ և անցավ։

Կոլպոսկոպիայի միջոցով հնարավոր է կատարել նշանակիր բիոպսիա, ինչը բարձրացնում է ճշգրիտ ախտորոշման հնարավորությունը։ 

ՀՀ ԱՆ Վ․Ա․ Ֆանարջյանի անվան Ուռուցքանաության ազգային կենտրոնի «Կանանց առողջության կլինիկա» բաժանմունքը համալրվել է նոր սերնդի գերմանական Leisgang կոլպոսկոպով, որն ապահովում է պատկերի խոշորացում 30 անգամ:

Հիշեցնենք, որ ՈւԱԿ-ում սույն թվականի սեպտեմբերի 6-ից մինչև հոկտեմբերի 1-ը կանայք կարող են անցնել անվճար կոլպոսկոպիա։

Հերթագրվելու համար զանգահարեք +374 10 23 68 29։