Ուռուցքաբանության ազգային կենտրոնը համագործակցում է աշխարհի լավագույն կենտրոնների հետ: Ինչպես արդեն գիտեք, մեր մասնագետները անցնում են վերապատրաստումներ այդ կենտրոններում, կատարում փորձի փոխանակումներ: 

Համագործակցությունների շրջանակում է նաև տարբեր կենտրոններում աշխատող մասնագետների այցը ՈՒԱԿ, միասնական վիրահատություններն ու խորհրդատվությունները:

Դե ինչ, ծանոթացեք՝ Պետրիկ Սերգեյ Վլադիմիրի, ով ՈՒԱԿ է եկել Ն.Պետրովի անվան ուռուցքաբանության ինստիտուտից:

Բժիշկ Պետրիկն ուռուցքաբան-վիրաբույժ է, ինտերվեցիոն ռադիոլոգ: 14 աշխատանքային տարիներից 12-ը բժիշկը կատարել է ասեղային տրեպան բիոպսիաներ՝ ՈՒՁՀ ուղղորդմամբ։

Ոլորտի մասնագետը կարողանում է հաջողությամբ կատարել ինչպես մակերեսային, այնպես էլ տարբեր խորանիստ տեղակայումների բիոպսիաներ: 

Պետրիկը, հաճելիորեն զարմացած լինելով ՈՒԱԿ-ի բժիշկների մասնագիտական հմտություններով, վստահ է՝ Ուռուցքաբանության ազգային կենտրոնի մասնագետների հետ կարողանալու է ոլորտում հասնել ցանկալի արդյունքների:

Բժիշկն այժմ հայերեն է սովորում, պատրասվում է մնալ Հայաստանում, աշխատել ՈՒԱԿ-ում ու իր գիտելիքները ծառայեցնել հանուն բուժառուների առողջության: