Բարսելոնա քաղաքի «Sant Pau» հիվանդանոցի ռեկոնստրուկտիվ միկրովիրաբույժները փաստում են․ Ուռուցքաբանության ազգային կենտրոնում կան համապատասխան մարդկային ռեսուրսներ և սարքավորումներ կրծքագեղձի բարդ վերականգնողական վիրահատություններ անելու համար։

Կենտրոնի ռեկոնստրուկտիվ վիրաբուժության բաժանմունքի ղեկավար Մհեր Կոստանյանն էլ արձանագրում է, որ աշխարհի զարգացած կլինիկաների հետ համագործակցությունը, գերժամանակակից բուժման հնարավորությունները և փորձի փոխանակումը ՈՒԱԿ-ի կարևոր ձեռքբերումներից են։

Սեփական հյուսվածքի միջոցով վերականգնումն ապահովում է կրծքագեղձի բնական տեսքն ու զգացողությունը։ Վիրահատությունից 4 շաբաթ անց արդեն թույլատրվում է ֆիզիկական վարժություններ անել։