ՈՒԱԿ-ի գիտահետազոտական նախագծերից մեկը, որն իրականացվում է Առողջապահության ազգային Ինստիտուտ/-ի և MIBS Medical Center-ի հետ համատեղ, ներկայացվել է «Մետաստատիկ կրծքագեղձի քաղցկեղ» 7-րդ միջազգային կոնսենսուսային կոնֆերանսի շրջանակում (Advanced Breast Cancer Seventh International Consensus Conference. ABC Global Alliance)

2023 թվականի նոյեմբերի 9-11 ՈՒԱԿ փոխտնօրեն Արթուր Ավետիսյանն ու Դեղորայքային ուռուցքաբանության բաժանմունքի ղեկավար Նաիրա Ջանոյանը մասնակցել են Պորտուգալիայի մայրաքաղաք Լիսաբոնում անցկացվող «Մետաստատիկ կրծքագեղձի քաղցկեղ» 7-րդ միջազգային կոնսենսուսային կոնֆերանսին:

Արթուր Ավետիսյանը կոնֆերանսի շրջանակում պոստեռ-զեկույցով ներկայացրել է «Կրծքագեղձի ժառանգական քաղցկեղի առանձնահատկությունների ուսումնասիրումը Հայաստանում» գիտական ծրագրի ընթացքը: 

ABC-ն ստեղծվել է որպես մետաստատիկ կրծքագեղձի քաղցկեղին նվիրված խոշոր միջազգային կոնֆերանս և որպես լավագույն կլինիկական փորձի փոխանակման ֆորում՝ նպատակ ունենալով մասնագետներին հնարավորություն ընձեռելու ներկայացնել և քննարկել ոլորտի վերջին գիտական ձեռքբերումները՝ հետազոտությունից մինչև կլինիկական իրականացում: 

Ուռուցքաբանության ազգային կենտրոնի մասնագետները տարվա ընթացքում մասնակցում են աշխարհի տարբեր երկներում տեղի ունեցող միջազգային կարևորագույն գիտաժողովներին ու կոնֆերանսներին՝ փորձի փոխանակման և լավագույն փորձը մեր կենտրոնում ներդնելու նպատակով: