Երբ ձևավորված համագործակցությունը կրում է շարունակական բնույթ

Ուրախ ենք տեղեկացնելու, որ 2022 թվականի դեկտեմբերին Հայաստանում Բուլղարիայի դեսպանության և Ուռուցքաբանության ազգային կենտրոնի միջև ստորագրված համագործակցության հուշագրի շրջանակում ՈՒԱԿ-ին շնորհվել է ևս մեկ դրամաշնորհ: Դրամաշնորհային ֆինանսավորմամբ ՈՒԱԿ-ը նախատեսում է ձեռք բերել էքսպերտ դասի Vinno G65 ՈՒՁՀ սարք:

Ուռուցքաբանության ազգային կենտրոնը մշտապես թարմացնում և ավելացնում է իր ժամանակակից սարք-սարքավորումների շարքը՝ բարձրացնելով մատուցվող ծառայությունների որակն ու ծավալը, նպաստելով քաղցկեղի ավելի վաղ ախտորոշմանը և արդյունավետ կանխարգելմանը: