Новости

ՈՒԱԿ-ում առաջին անգամ կատարվել է աորտայի պրոթեզավորում. վիրահատությունը տևել է 6 ժամ

ՈՒԱԿ-ում առաջին անգամ կատարվել է աորտայի պրոթեզավորում. վիրահատությունը տևել է 6 ժամ

ԱԽՏՈՐՈՇՈՒՄ

56-ամյա տղամարդը դիմել է ՈՒԱԿ անոթային և էնդովասկուլյար վիրաբուժության բաժանմուք գանգատվելով քայլքի դժվարացումից, ընդմիջվող կաղությունից՝ 30-50մ, ստորին վերջույթների ցավերից, ջղաձգումներից, սառնության զգացողությունից։ Կատարվել են լաբորատոր և գործիքային հետազոտություններ։ ԿՏ անգիոգրաֆիկ հետազոտությամբ պացիենտի մոտ հայտնաբերվել է աորտայի որովայնային հատվածի 50-60 % նեղացում, ընդանուր զստային զարկերակների խցանում (Լերիշի հիվանդություն), ինչի արդյունքում տուժել էր ստորին վերջույթների և փոքր կոնքի օրգանների սնուցումը։ Տղամարդը մոլի ծխող է, առկա են ուղեկցող հիվանդություններ՝ շաքարային դիաբետ և զարկերակային հիպերտոնիա։

ՎԻՐԱՀԱՏՈՒԹՅՈՒՆ

Հուլիսի 25-ին կատարվել է վիրահատություն․ տեղադրվել է անոթային պրոթեզ և ամբողջովին վերականգնվել է ստորին վերջույթների արյունամատակարարումը և կոնքի խոռոչի օրգանների սնուցում։

Վիրահատությունը կատարել է ՈՒԱԿ Անոթային և էնդովասկուլյար վիրաբուժության բաժանմունքի ղեկավար Գուրգեն Գրիգորյանը, օգնականներ՝ Նարեկ Բարսեղյանը, Հակոբ Շահվերդյանը։ Վիրահատության ամբողջ ընթացքում թիմի կողքին է եղել Որովայնային և էնդովիրաբուժության բաժանմունքի ղեկավար Հմայակ Եփրեմյանը։

454237560 1041401894661628 3988296870585531518 n  454325408 1041401881328296 6180496200596706889 n

ԴԵՊՔԻ ԱՌԱՆՁՆԱՀԱՏԿՈՒԹՅՈՒՆ

Վիրահատությունն ընթացել է բարեհաջող․ վիրահատական այս միջամտությունն անոթային վիրաբուժության ամենաբարդ տեսակներից է, ներվիրահատական ռիսկերից են պրոթեզավորման անհնարինությունը, մագիստրալ անոթների հնարավոր վնասվածքները՝ ինչը կարող է հանգեցնել սուր արյունահոսության,անատոմիական այլ ստրուկտուրաների հնարավոր վնասումների։ Հետվիրահատական շրջանում բարդություն կարող է հանդիսանալ տեղադրված պրոթեզի խցանումը տրոմբով և/կամ արյունահոսությունը։

ՀԵՏՎԻՐԱՀԱՏԱԿԱՆ ՇՐՋԱՆ

Վիրահատությունից 5 օր անց պացիենտը լավացումով դուրս է գրվել հիվանդանոցից։ Նշանակվել է հետագա հսկողություն։

14-02-2025

Հատուկ հյուր ՈՒԱԿ-ում․ պրոֆեսոր Ռուբեն Ավանեսյանը կենտրոնի մասնագետների հետ համատեղ վիրահատություններ է իրականացրել

Հայկական ուռուցքաբանական 5-րդ կոնգրեսի հատուկ հյուր Սանկտ-Պետերբուրգի Մարինյան քաղաքային հիվանդանոցի պրոֆեսոր Ռուբեն Ավանեսյանը օրերս հյուրընկալվել է կենտրոնում:Պրոֆեսորը Ուռուցքաբանության ազգային

12-02-2025

Հայկական ուռուցքաբանական 5-րդ կոնգրես․ ամփոփում

Հայկական ուռուցքաբանական 5-րդ կոնգրեսի երկօրյա օրակարգը՝ 1 հոլովակում:150 զեկույց՝ 2 օրում։Հատուկ հյուրեր NCNN-ից, ԱՀԿ-ից, Հայդելբերգից, Բրեշիայից, UCLA-ից, Թալսայից։Ավելի քան 500 մասնակից աշխարհի

10-02-2025

Հայաստանում ուռուցքաբանության զարգացումը մեր առաքելությունն է․ ՈՒԱԿ

5-ամյա Հայկական ուռուցքաբանական կոնգրեսը սահմանեց նոր նշաձող՝ 6 տասնյակ հյուր աշխարհի տարբեր երկրներից,150 զեկույց 2 օրում,600 մասնակից:ՀՀ ԱՆ Վ. Ա. Ֆանարջյանի անվան ուռուցքաբանության ազգային
Կանխի՛ր կոռուպցիան

Ազդարարման հարցերով պատասխանատու՝ Գոռ Թանայան

ՈՒԱԿ անձնակազմի հաշվառան և գրանցման մասնագետ

Հեռախոսահամարներ՝ 010 205050 - 134 , +347 99 993499

Էլեկտրոնային հասցե՝ gtankyan@bk.ru

Հարգելի՛ այցելուներ,

որակի բարելավման նպատակով խնդրում ենք ձեր առաջարկներն ու դիտարկումներն ուղարկել ՈւԱԿ տնօրեն Նարեկ Մանուկյանին՝ fanarjiansdirector@gmail.com հասցեով։

Ձեր վստահությունը մեր լավագույն գնահատականն է