2023 ՀԱՅԿԱԿԱՆ ՈՒՌՈՒՑՔԱԲԱՆԱԿԱՆ ԿՈՆԳՐԵՍ
Փետրվարի 4-ն աշխարհում նշվում է որպես Քաղցկեղի դեմ պայքարի միջազգային օր։ Այս առիթով ՀՀ ԱՆ Վ․Ա․ Ֆանարջյանի անվան Ուռուցքաբանության ազգային կենտրոնը կազմակերպում է իր հեթական ամենամյա գիտագործնական միջոցառումը՝ Հայկական ուռուցքաբանական 3-րդ կոնգրեսը, որի 2023թ. խորագիրն է «Հայկական ուռուցքաբանություն. ձեռքբերումներ և նպատակների նոր սանդղակներ»՝ նվիրված Հայաստանում քաղցկեղի դեմ պայքարին, մասնավորապես՝ դրա քաղաքականության ու ռազմավարության խնդիրներին, իրականացվող մասնավոր և համալիր միջոցառումներին ու հետագա ծրագրերին, քաղցկեղի կանխարգելման միջոցներին, բուժման նոր մեթոդների և մոտեցումների ներդրմանը ու ներկայացմանը: Կոնգրեսին նախատեսված է նաև արտերկրից ժամանած բարձրակարգ մասնագետների կողմից անցկացվելիք «Վարպետաց դաս» (Live surgery)։
Հայկական ուռուցքաբանական կոնգրեսի նախաձեռնողն ու իրականացնողն է Վ.Ա․ Ֆանարջյանի անվան Ուռուցքաբանության ազգային կենտրոնը՝ մի շարք տեղական ու միջազգային կազմակերպությունների աջակցությամբ:
Հայկական ուռուցքաբանական 3-րդ կոնգրեսը տեղի կունենա 2023թ. փետրվարի 4-5-ը Վ.Ա․ Ֆանարջյանի անվան Ուռուցքաբանության ազգային կենտրոնի պրոֆեսոր Հայրապետ Գալստյանի անվան դահլիճում (հասցեն՝ Ֆանարջայն 76)։
Նախատեսվում է մոտ 50 զեկույց և ընդհանուր մոտ 300 պատվիրակի մասնակցություն՝ ՀՀ Առողջապահության նախարարության, Երևանի պետական բժշկական համալսարանի և Առողջապահության ազգային ինստիտուտի ներկայացուցիչներ, հանրապետության ԲԿ-ների ղեկավարներ, տարբեր մասնագիտացման բժիշկ-ուռուցքաբաններ, հարակից մասնագիտացումներով բժիշկներ, հանրային առողջապահության մասնագետներ, ազգային առողջապահական ծրագրեր իրականացնողներ, գիտահետազոտական աշխատանքով զբաղվող մասնագետներ և այլն:
Զեկույցներով հանդես կգան ուռուցքաբանության ոլորտում ճանաչված մասնագետներ Հայաստանից, Ռուսաստանից , ԱՄՆ-ից և Եվրոպայից:
Կոնգրեսի աշխատանքային լեզուներն են՝ հայերեն, ռուսերեն, անգլերեն:
Կոնգրեսը ներկայացված է ՇՄԶ հավաստագրման:
Կոնգրեսին կարելի է մասնակցել երկու տարբեր կարգավիճակով՝ զեկուցող և պատվիրակ:
Կոնգրեսի գիտական թեմաների մրցույթով հետաքրքրված լինելու դեպքում կարող եք դիտարկել Կոնգրեսի ընթացքում մեկ գիտական ելույթով հանդես գալու հնարավորությունը՝ առավելագույնը 13-15 րոպե տևողությամբ: Ձեր ելույթի առաջարկվող թեման և համառոտագիրը խնդրում ենք ներկայացնել մինչև 2023թ. հունվարի 8-ը։ Զեկույցների հայտերը կքննարկվեն Կոնգրեսի գիտական խորհրդի կողմից: Մրցույթի արդյունքների մասին կհայտարարվի 2023թ. հունվարի 16-ին:
Այնուհետև` մեկ շաբաթվա ընթացքում, պատվիրակները հաստատված զեկույցների ամբողջական տեքստերը պետք է ուղարկեն կազմկոմիտեին։
Կոնգրեսին մասնակցությունը վճարովի է՝ անկախ մասնակցության ձևաչափից․վաղ գրանցման (մինչև 2023թ․ հունվարի 7-ը) արժեքն է 20 000 ՀՀ դրամ, ուշացված գրանցման (մինչև 2023թ․ փետրվարի 1-ը)՝ 40 000 ՀՀ դրամ։ Մասնակցության վճարը անհրաժեշտ է փոխանցել Ուռուցքաբանության զարգացման ազգային հաիմնադրամի հաշվեհամարին՝ ՀՎՀՀ՝ 01010458, Հ/Հ՝ 163078400682 և անդորագիրը կցել լրացվող հայտադիմումին:
Կոնգրեսին ուռուցքաբանություն մասնագիտացմամբ կլինիկական օրդինատորների համար մասնակցությունն անվճար է վաղ գրանցման դեպքում։
Գրանցման համար հարկավոր է անցում կատարել այս հղումով՝ bit.ly/3HkHZJ1
