ՈւԱԿ Ս. Սեինյանի անվան հենաշարժիչ համակարգի ուռուցքաբանության բաժանմունք էր դիմել 17-ամյա պացիենտը, ով գանգատվում էր դեմքի ստորին երրորդի դեֆորմացիայից: 

Իրականացված հետազոտությունների արդյունքում նրա մոտ ախտորոշվել էր բարորակ նորագոյացություն, որը զբաղեցնում էր ստորին ծնոտի ամբողջ աջ կեսը: 

Պացիենտի առողջացումն ընթացել է մի քանի իրար հետ փոխկապակցված փուլերով` ծնոտի մասնահատում, եռաչափ պլանավորում, անհատական տիտանե թիթեղների և անհատական շաբլոնների պատրաստում, նրբոլոքային ազատ լաթով ծնոտի ռեկոնստրուկցիա: 

Վիրահատությունն իրականացրել են բաժանմունքի դիմածնոտային վիրաբույժներ Հայկ Բաբայանը և Սերգեյ Ղազանչյանը, անեսթեզիոլոգ Կոնստանտին Մակարյան: 

Մեր թիմի փորձն ու նվիրվածությունը հաստատում են, որ ամենահաճախ անհնարին թվացող մարտահրավերներն էլ հնարավոր է հաղթահարել՝ բարձր տեխնոլոգիաների և համատեղ աշխատանքի շնորհիվ։ 

Մեր նպատակն է շարունակել առաջ շարժվել՝ ապահովելով ամենավստահելի և արդի բուժօգնությունը յուրաքանչյուր պացիենտի համար։