ՈՒԱԿ-ն ունի նոր ծառայություն։ Այսուհետ ՈՒԱԿ-ում կիրականացվի երիկամի միջմաշկային բիոպսիա՝ ՈՒՁՀ-ի հսկողությամբ․

Միջամտությունը՝

Միջամտություն է, որի ժամանակ երիկամից վերցնում ենք մեկ կամ մի քանի նմուշ, որը (որոնք) ուղարկվում է հյուսվածքաբանական հետազոտության` երիկամի հիվանդության ճշգրիտ ախտորոշման նպատակով: 

Ո՞ր դեպքերում է անհրաժեշտ միջմաշկային բիոպսիա՝ ՈՒՁՀ-ի հոսկողությամբ. 

• շարունակական արյունամիզություն, 
• մեզի մեջ մեծ քանակությամբ սպիտակուցների առկայություն (պրոտեինուրիա), 
• երիկամների հիվանդություններ, որոնց ժամանակ արյան մեջ բարձրանում է նյութափոխանակության արգասիքների մակարդակը (օր.` կրեատինին):

Նպատակը՝ 

• ախտորոշել երիկամի հիվանդությունը, որն ԱՅԼ ՄԵԹՈԴՆԵՐՈՎ ՀՆԱՐԱՎՈՐ ՉԷ ԱԽՏՈՐՈՇԵԼ,
• երիկամի բիոպսիան օգնում է կազմել բուժման պլանը, 
• որոշել, թե ինչքան արագ է զարգանում երիկամի հիվանդությունըլ
• օգնում է գնահատելու երիկամի բուժման արդյունավետությունը, 
• օգնում է հսկելու փոխպատվաստված երիկամի աշխատանքը կամ գտնելու երիկամի շգործելու պատճառը:

Առավելությունը՝

Երիկամի միջմաշկային բիոպսիան՝ ՈՒՁՀ-ի հոսկողությամբ, համարվում է երիկամային հիվանդությունների ախտորոշման ՈՍԿԵ ՍՏԱՆԴԱՐՏԸ։

Մասնագետը՝

ՈՒԱԿ-ում երիկամի միջմաշկային բիոպսիան կատարելու է բժիշկ-նեֆրոլոգ Մանյա Տիրացույան-Քարամյանը, որը վերջերս է վերապատրաստվել Էրազմուս համալսարանական բժշկական կենտրոնում (Ռոտերդամ, Նիդեռլանդներ)։

Այսպիսով՝ ՈՒԱԿ-ի նոր ծառայությունը թույլ է տալու ունենալ հստակ ախտորոշում և բարձրացնելու բուժման արդյունավետությունը։ 

Հերթագրվելու համար զանգահարել 010․205050 հեռախոսահամարով՝ երկուշաբթիից ուրբաթ՝ 08:30-ից 16:30-ը: