Ուռուցքաբանության ազգային կենտրոնի Նեյրոօնկոլոգիական բաժանմունքի վնասվածքաբան-օրթոպեդ Կարապետ Անտոնյանը AO Spine-ի կողմից ստացել է սերտիֆիկացում՝ որպես մասնագետ, ով տիրապետում է ողնաշարային բոլոր տեսակի պաթոլոգիաների բուժման մեթոդներին։ Նշենք, որ նա այս որակավորմամբ եզակի մասնագետ է Հայաստանում։

 

Մեկ տարվա ինտենսիվ կրթության և վերապատրաստման ընթացքում, որին մասնակցում էին 100 բժիշկներ ամբողջ աշխարհից, մեր մասնագետը կատարելագործել է թե՛ տեսական, թե՛ գործնական գիտելիքներն ու հմտությունները։ Այս փորձառությունը հնարավորություն է տվել ոչ միայն միջազգային լավագույն փորձը ներմուծելու և տեղայնացնելու մեր կենտրոնում, այլ նաև հաստատելու համագործակցություն ոլորտի առաջատար մասնագետների հետ։

 

AO SPINE-ը աշխարհում առաջատար մասնագիտական հարթակներից է, որը նպաստում է ողնաշարային վիրաբուժության զարգացմանը՝ գիտական հետազոտությունների, կրթական ծրագրերի և մասնագիտական փոխանակման միջոցով։