Մի քանի ժամվա ընթացքում կատարվել է 2 վիրահատություն, որոնք հեռարձակվել են ուղիղ եթերով՝ նախատեսված ուռուցքաբանների, վիրաբույժների, դիմածնոտային վիրաբույժների, պլաստիկ ռեկոնստրուկտիվ և էսթետիկ վիրաբույժների, էսթետիկ բժիշկների համար։

Առաջին վիրահատությունը կատարել է պրոֆեսոր, բժշկական գիտությունների դոկտոր, պլաստիկ վիրաբույժ Դավիթ Գրիշկյանը։ Ավելի քան 20 տարվա աշխատանքային փորձ ունեցող վիրաբույժը «Հյումն» էնդոսկոպիկ ռինոլոգիական և էսթետիկ վիրաբուժության բաժանմունքում կատարել է վերին բլեֆարոպլաստիկա՝ դեմքի ուրվագծի շտկմամբ՝ լիպոֆիլինգի միջոցով (սեփական ճարպի ներարկմամբ)։

Միջամտության առանձնահատկություններից է ավելորդ մաշկի հեռացումը, տարիներով պահպանվող արդյունքը, ավելի երիտասարդ և առողջ տեսք ունենալը, դիմագծերի արտահայտվածությունը։

«Հյումն» էնդոսկոպիկ ռինոլոգիական և էսթետիկ վիրաբուժության բաժանմունքում երկրորդ վիրահատությունը կատարել է արգենտինացի պլաստիկ վիրաբույժ Գլաուդիո Անգրիգիանին։

Վերականգնողական վիրաբուժության և միկրովիրաբուժության մասնագետը «Հյումն»-ում կատարել է քունքային ձգում (տեմպորալ լիֆտինգ)։ Այն քիչ ինվազիվ վիրահատություն է, որը թույլ է տալիս ձգել դեմքի վերին 3-րդը, հարթեցնել այդ շրջանում առկա կնճիռները, բարձրացնել հոնքերի և աչքերի անկյունները։

Ուրախ ենք, որ մեր կենտրոնը կարողանում է ապահովել նման մեծամասշտաբ վիրահատությունների տեխնիկական և բժշկական հագեցվածությունը։ 

Տեղեկացնում ենք, որ վերոնշյալ վիրահատությունները այսուհետ իրականացվելու են «Հյումն» էնդոսկոպիկ ռինոլոգիական և էսթետիկ վիրաբուժության բաժանմունքում։ 

Հարցերի և հերթագրման համար խնդրում ենք զանգահարել +37410205050 կամ +37433929241, +37455469393 հեռախոսահամարներով:

Հ․Գ․ Վիրահատությունների տեսագրությունը կարող եք դիտել այս հղումով՝ bit.ly/46MqUBg