2019 թվականի փետրվարին առաջին անգամ Հայաստանում՝ ՀՀ Առողջապահության նախարարության «Վ․ Ա․ Ֆանարջյանի անվան ուռուցքաբանության ազգային կենտրոն» ՓԲԸ-ում ներդրվեց ռադիոյոդային բուժումը՝ վահանաձև գեղձի հիվանդությունների բուժման ժամանակակից և բարձր արդյունավետություն ունեցող մոտեցումներից մեկը։

Մեթոդի կիրառման ժամանակ օգտագործվող յոդի ռադիոակտիվ պատրաստուկը եվրոպական ընկերության արտադրության է:

Կենտրոնում տեղակայված հիբրիդային (միջուկային ռադիոլոգիական) համալիրը հնարավորություն է տալիս հայտնաբերել անգամ վահանաձև գեղձի քաղցկեղի ամենափոքր օջախները։

Իրականացվում է անհրաժեշտ յոդի քանակի ճշգրիտ հաշվարկ, ռադիոակտիվ յոդի մնացորդային քանակի գնահատում։ Բուժման անցկացման համար կենտրոնում առկա են հատուկ մեկուսացված, հարմարավետ հիվանդասենյակներ։ Ռադիոյոդ թերապիայի կուրսի ընթացքում պացիենտը կլինիկայում անցկացնում է շուրջ 5 օր, որից հետո պացիենտը անցնում է ախտորոշիչ հատուկ հետազոտություն՝ պարզելու օրգանիզմում ռադիոակտիվ յոդի կուտակման տեղակայումը և բնույթը:

Բուժման կուրսի ընդհանուր արժեքը, ներառյալ հետազոտությունները և հատուկ սնունդը, կազմում է 800 հազար դրամ։

ԼԻՑԵՆԶԻԱ Կ-ԲՕ-002917, տրված՝ 07․06․2021թ․

ԳՈՎԱԶԴԻ ԹՈՒՅԼՏՎՈՒԹՅՈՒՆ NԲՄԳ-00022, տրված՝ 27․03․2024թ․