Ամեն տարի հունիսի առաջին կիրակին, այս տարի հունիսի 5-ը, աշխարհում նշվում է որպես քաղցկեղը վերապրածների օր:

Թեմայի շրջանակում Infocom-ը զրուցել է Աստղիկ Զաքարյանի հետ, ով հաջողությամբ հաղթահարել է տարիներ առաջ ախտորոշված կրծքագեղձի քաղցկեղը: Ուռուցքաբանության ազգային կենտրոնի Կանանց առողջության կլինիկայում պարբերաբար ստուգումներ անցնող Աստղիկը պատմել է հիվանդության և դրա դեմ պայքարի` իր հաջողության պատմության մասին:

«Ես իմ փորձով հասկացա, որ ամեն պահի կարող է պատահել ինչ-որ մի բան, որին երբեք չէիր սպասում: Ես ունեմ մեծ ընտանիք, մեծ գերդաստան, բայց ոչ մեկի մոտ չի եղել կրծքագեղձի  քաղցկեղի դեպք:

Այսինքն՝ ես չէի սպասում նման հիվանդության առկայություն իմ մոտ:

Հայրիկս տարիներ առաջ իմ պատմության նման մի պատմություն էր լսել, ազդվել, այդ իսկ պատճառով մայրիկիս, ինձ, քույրերիս ստիպում էր տարին մեկ անգամ գնալ ու ստուգվել:

Միայն այդ դեպքի պատճառով էինք գնում ստուգումների, և միայն այդ դեպքի շնորհիվ իմ հիվանդությունը բացահայտվեց վաղ շրջանում: Ինձ դա փրկեց: 

Վաղ հայտնաբերելու շնորհիվ բուժվելու իմ շանսերը մեծացան», - ասում է Աստղիկը:

Հարցազրույցն ամբողջությամբ՝ https://bit.ly/3PV61wd

Լուսանկարը՝ Աստղիկ Զաքարյանի անձնական արխիվից։