Ամերիկայի կլինիկական ուռուցքաբանության միության և Արյունաբանության և ուռուցքաբանության հայկական ասոցիացիայի առաջին համատեղ գիտաժողովը
Հայաստանում են Ամերիկայի կլինիկական ուռուցքաբանության միության (ASCO) ներկայացուցիչները, ովքեր Արյունաբանության և ուռուցքաբանության հայկական ասոցիացիայի հետ այս օրերին Երևանում անցկացնում են առաջին համատեղ գիտաժողովը:
Գիտաժողովը նվիրված է կրծքագեղձի, ստամոքս-աղիքային տրակտի քաղցկեղի, լեյկեմիայի բուժման նորագույն մեթոդների ներդրմանը բժշկության մեջ:
Մեդ-Պրակտիկը զրուցեց գիտաժողովը հյուրընկալած Երևանի պետական բժշկական համալսարանի ռեկտոր, բ.գ.դ., պրոֆեսոր Միքայել Նարիմանյանի հետ:
Երևանի պետական բժշկական համալսարանի ռեկտոր, բ.գ.դ., պրոֆեսոր Միքայել Նարիմանյան– Ի՞նչն է առիթ հանդիսացել նման խոշոր կոնֆերանսի կազմակերպման համար:
– Մենք ուզում ենք միավորել հետազոտողների, պրակտիկ բժիշկների, առողջապահության աշխատակիցների ուժերը, ընթացքի մեջ դնել ներքին ինտեգրացիան: Մյուս խնդիրն արտաքին ինտեգրացիայի կազմակերպումն է, այսինքն՝ ինտեգրացիա արտասահմանյան կառույցների հետ: Դա կարևորագույն հարց է ուռուցքաբանության մեջ: Այս հանդիպումից ակնկալում ենք շարունակական համագործակցություն: Արտասահմանից շատ հեղինակավոր մասնագետներ են մասնակցում կոնֆերանսին: Բազմազան են նրանց մասնագիտական հետաքրքրությունները՝ ինչպես հիվանդությունների վաղ ախտորոշումն ու կանխարգելումը, այնպես էլ պացիենտների շարունակական հետազոտությունը և բուժումը:
– Ի՞նչ կտան կոնֆերանսի շրջանակում նախատեսված հանդիպումները բժիշկներին:
– Քննարկվում են ո՛չ միայն կոնկրետ բուժական մեթոդներ, այլև այնպիսի հարցեր, ինչպիսիք են վաղ ախտորոշումը, կանխարգելումը: Մենք կունենանք փորձի փոխանակում, գիտական նվաճումների գնահատում, ու դրանց ներդրում նաև Հայաստանում…
Ամերիկայի կլինիկական ուռուցքաբանության միության և Արյունաբանության և ուռուցքաբանության հայկական ասոցիացիայի առաջին համատեղ գիտաժողովը Ամերիկայի կլինիկական ուռուցքաբանության միության և Արյունաբանության և ուռուցքաբանության հայկական ասոցիացիայի առաջին համատեղ գիտաժողովը Ամերիկայի կլինիկական ուռուցքաբանության միության և Արյունաբանության և ուռուցքաբանության հայկական ասոցիացիայի առաջին համատեղ գիտաժողովը
– Նման հանդիպումները լավ հնարավորություն են նաև համեմատություններ անելու... ինչքանո՞վ ենք մենք համաքայլ աշխարհին ուռուցքաբանության ոլորտում:
– Մենք ունենք լավ կենտրոններ, ամբիոններ, լուրջ ավանդույթներ ուռուցքաբանության ոլորտում: Ես համոզված եմ՝ մեր մասնագետներն էլ ծանրակշիռ ասելիք ունեն հյուրերին, և դա ևս համագործակցության հիմք կդառնա:
Ուռուցքաբանության ազգային կենտրոնի տնօրեն, բ.գ.դ., պրոֆ. Հայրապետ ԳալստյանՈւռուցքաբանության ազգային կենտրոնի տնօրեն, բ.գ.դ., պրոֆ. Հայրապետ Գալստյանը Մեդ-Պրակտիկի հետ զրույցում անդրադարձավ ոլորտի մի քանի կարևոր խնդիրների:
– Ի՞նչ բացեր, թերացումներ եք նկատում ոլորտում, ի՞նչն անհրաժեշտ կհամարեիք փոխել:
– Մեր հասարակությունում լուրջ խնդիր է հատկապես այն, որ մարդիկ ժամանակին չեն հետազոտվում, բժշկի չեմ դիմում, գալիս են՝ դանակը ոսկորին հասած: Հիվանդությունը բարձիթողիի մատնելը լուրջ խնդիր է: Ինչքան էլ այդ մասին խոսում ենք զանգվածային լրատվամիջոցներով, արդյունք առանձնապես չենք ստանում: Մարդիկ չեն գիտակցում, որ որքան խորանում է հիվանդությունը, այնքան վիրահատության ծավալն է մեծանում՝ ընդհուպ ամբողջ օրգանի հեռացումը: Երկրորդը նորագույն սարքավորումների հարցն է: Դրանց անհրաժեշտությունը շատ է զգացվում, որոնք սակայն թանկ արժեն: Սա, իհարկե, խնդիր է ամբողջ աշխարհում:
Ամերիկայի կլինիկական ուռուցքաբանության միության և Արյունաբանության և ուռուցքաբանության հայկական ասոցիացիայի առաջին համատեղ գիտաժողովը Ամերիկայի կլինիկական ուռուցքաբանության միության և Արյունաբանության և ուռուցքաբանության հայկական ասոցիացիայի առաջին համատեղ գիտաժողովը Ամերիկայի կլինիկական ուռուցքաբանության միության և Արյունաբանության և ուռուցքաբանության հայկական ասոցիացիայի առաջին համատեղ գիտաժողովը
– Դուք խոսեցիք պալիատիվ ծառայության ներդրման մասին. ի՞նչ է այն:
Կան հիվանդներ, ովքեր հարազատներ չունեն, կամ՝ ունեն, բայց չեն կարողանում ապահովել նրանց խնամքը տանը: Այս ծառայությունը հնարավորություն կտա ոչ տնային պայմաններում ապահովելու և պահպանելու հիվանդի կյանքի որակը: Խոսքը և՛ դեղորայքային, և՛ ոչ դեղորայքային խնամքի մասին է: Մենք նախատեսում ենք տասը մահճակալանոց ծառայություն՝ վճարովի հիմունքներով: Իհարկե՛, տասը մահճակալը քիչ է, բայց սա առաջին փորձն է Հայաստանում: Կարծում եմ՝ պետք է զարգացնել պալիատիվ ծառայությունը:
Ամերիկայի կլինիկական ուռուցքաբանության միության և Արյունաբանության և ուռուցքաբանության հայկական ասոցիացիայի առաջին համատեղ գիտաժողովը Երևանի պետական բժշկական համալսարանի ռեկտոր, բ.գ.դ., պրոֆեսոր Միքայել Նարիմանյան Հնդկաստանի հայտնի ուռուցքաբան Դինեշ Փենդհարկար
– Ի՞նչ ակնկալիքներ ունեք կոնֆերանսից:
– Շատ դրական, արդյունավետ միջոցառում է: Միայն դասախոսություններ չեն, այլ փորձի, կարծիքների փոխանակում: Նպատակը մեկն է՝ բուժման որակի արդյունավետության, հիվանդների կյանքի որակի բարձրացում:
Արյունաբանության և ուռուցքաբանության հայկական ասոցիացիայի նախագահ, բ.գ.թ., դոց. Սամվել ԴանիելյանԱրյունաբանության և ուռուցքաբանության հայկական ասոցիացիայի նախագահ, բ.գ.թ., դոց. Սամվել Դանիելյանը մեզ հետ զրույցում ևս մեծապես կարևորեց այս կոնֆերանսի կազմակերպումը:
– Ամերիկայի կլինիկական ուռուցքաբանության միությունն ուռուցքաբանության ոլորտում մեծագույն կազմակերպություններից է աշխարհում, որը, կարելի է ասել, տենդենցների օրենսդիրն է: Նրա Հայաստանում ներկայությունը մեզ համար մեծ պատիվ է:
– Ի՞նչ շարունակություն է նախատեսվում այս կոնֆերանսով սկսված համագործակցությանը:
– Սա ուսուցողական բնույթի կոնֆերանս է, որի արդյունքում, հուսով եմ, կձևավորվի համագործակցություն: Նրանք մեզանից պետք է ունենան նույն տպավորությունը, ինչ մենք՝ իրենցից: Պիտի փորձենք:
– Ինչպիսի՞ն է հայ մասնագետների տրամադրվածությունը:
-Շատ լավ: Ներկա են մեծաքանակ մասնագետներ: Ուրախ եմ, որ մեր բժիշկները գիտակցում են՝ ուսուցումն անվերջ է. այն չի ավարտվում ուսանողական սեղանով:
Հնդկաստանի հայտնի ուռուցքաբան Դինեշ ՓենդհարկարԵրևանում ընթացող կոնֆերանսից իր տպավորությունների, ակնկալիքների մասին Մեդ-Պրակտիկի հետ զրույցում պատմեց նաև Հնդկաստանից ժամանած հայտնի ուռուցքաբան Դինեշ Փենդհարկարը:
– Ի՞նչ եք կարծում, ի՞նչ կտա այս կոնֆերանսը մասնակիցներին:
– Կարծում եմ՝ մասնակիցներին կփոխանցի առաջին հերթին այն գաղափարըը, որ նրանք պետք է միասնական լինեն իրենց աշխատանքում: Երբ բոլոր մասնագետները համագործակցեն, մեր արդյունքները, միանշանակ, շատ ավելի լավը կլինեն:
– Որո՞նք են հետագա պլանները:
– Կոնֆերանսը կազմակերպված է Ամերիկայի կլինիկական ուռուցքաբանության միության կողմից, որի անդամ են ուռուցքաբաններ ամբողջ աշխարհից: Մենք փորձում ենք բժիշկներին հասցնել ամենավերջին տվյալները, ոլորտի նորությունները: Մասնագետները պետք է տեղյակ լինեն, թե ինչ ուղղությամբ են շարժվում տենդենցները:
Ուռուցքաբանության ազգային կենտրոնի տնօրեն, բ.գ.դ., պրոֆ. Հայրապետ Գալստյան Ամերիկայի կլինիկական ուռուցքաբանության միության և Արյունաբանության և ուռուցքաբանության հայկական ասոցիացիայի առաջին համատեղ գիտաժողովը Արյունաբանության և ուռուցքաբանության հայկական ասոցիացիայի նախագահ, բ.գ.թ., դոց. Սամվել Դանիելյան
– Ինքներդ առաջին անգա՞մ եք Հայաստանում, ի՞նչ տպավորություններ ունեք:
– Այո՛, առաջին: Շատ ուրախ եմ տեսնել, թե ինչ բարձր մակարդակ է այստեղ: Ես համոզված եմ, որ նման մասնագետներով Հայաստանը կարող է շատ առաջ գնալ: Իսկապես լավ հիմք կա:
