«Առողջ հասարակություն» միջազգային համաժողովի շրջանակներում առողջապահության նախարար Անահիտ Ավանեսյանի գլխավորած պատվիրակությունն այցելել է ՌԴ «Վ.Ա.Ալմազովի անվան ազգային բժշկական հետազոտական կենտրոն», որտեղ ուսումնասիրել են հիբրիդային և «Դա Վինչի» համակարգով հագեցած վիրահատարանները:

Ուռուցքաբանության ազգային կենտրոնի տնօրեն Նարեկ Մանուկյանը ևս առողջապահության նախարարի գլխավորած պատվիրակության կազմում է եղել:

Ճանաչողական այցի ընթացքում հայկական պատվիրակությանն են ներկայացվել կլինիկային կից գործող նորաբաց ուսուցողական սիմուլյացիոն կենտրոնի կարողություններն ու հագեցվածությունը: Ընդգծվել է, որ կենտրոնը հյուրընկալում է թե՛ ուսանողների, թե՛ օրդինատորների գործնական պարապմունքներն անցկացնելու համար: