ԿՏ հսկողությամբ տրանսթորակալ տրեպան բիոպսիան նորագույն ախտորոշիչ մեթոդ է, որը քիչ ինվազիվ է և ընդհանուր անզգայացում չի պահանջում։

Այն կիրառվում է, երբ կասկածելի օջախը գտնվում է թոքի ծայրամասային հատվածում կամ հարարմատային շրջանում։ Կենտրոնական տեղակայման օջախները ևս կարող են հետազոտվել այս մեթոդով, եթե բրոնխոսկոպիան ինչ-ինչ պատճառներով անհնար է, ասում է ՀՀ ԱՆ Վ․Ա․ Ֆանարջյանի անվան Ուռուցքաբանության ազգային կենտրոնի Թորակալ վիրաբուժության բաժանմունքի վիրաբույժ Տարոն Ղարիբյանը։  

Հետազոտության ընթացքում պացիենտը գտնվում է ԿՏ սեղանիկի վրա, և բժիշկը, էկրանի վրա հետևելեվ պատկերներին, որոշում է կասկածելի օջախին մոտենալու ամենահարմար դիրքը, այնուհետև կատարում է տեղային անզգայացում, ԿՏ անընդհատ հսկողությամբ բիոպսիայի ասեղը մտցնում է ախտահարված օջախի մեջ և վերցնում նմուշ հետագա ձևաբանական հետազոտւթյան համար։ Ճշգրիտ պատասխան ստանալու համար անհրաժեշտ է վերցնել գոնե երեք նմուշ օջախի տարբեր հատվածներից։

Բիոպսիան ավարտելուց հետո կատարվում է հսկիչ նկար, և մոտ երկու ժամից, բարդությունների բացակայության պարագայում  պացիենտը գնում է տուն մինչև որ կստացվի հյուսվածաբանական հետազոտության պատասխանը։

Մանրամասները տեսանութում։