Ուռուցքաբանության ազգային կենտրոնը իր ուշադրության կենտրոնում է պահում առողջապահական ոլորտում կատարվող նորանոր փոփոխությունները, բուժման նոր մոտեցումները և հետևողական լինում դրանք կենտրոնում ներառելուն: 

Դեղորայքային ուռուցքաբանության բաժնի բժիշկ-քիմիաթերապևտ Կարինե Սողոմոնյանը վերապատրաստվել է Անգլիայի Մանչեսթր քաղաքի Քրիստի ուռուցքաբանական կլինիկայում (The Christie NHS Foundation Trust) : Կլինիկան լավագույններից մեկն է Եվրոպայում և առաջին բրիտանական կլինիկան, որն ստացել է ուռուցքի համապարփակ բուժման իրավունք:

Տարեկան շուրջ 60.000 պացիենտի սպասարկող կլինիկայում Կարինե Սողոմոնյանը անցկացրել է 3 օր, վերապատրաստվել, ստացել նոր գիտելիքներ:

Մի քանի օրերի ընթացքում՝ 

• քննարկվել են թոքի ոչ մանր բջջային և մանր բջջային քաղցկեղի, մեզոթելիոմայի կանխարգելման, ախտորոշման և բուժման ժամանակակից մոտեցումները, 
• քննարկվել են աշխարհում քաղցկեղի բուժման նորարարական ձեռքբերումները, որոնք ուղղված են հիվանդության վաղ փուլերում բուժուառուի առողջացմանը, իսկ տարածված փուլերում՝ /առավել երկար տևողությանը, / հիվանդության պրոգրեսիայից առավել երկար ազատ ժամանակահատվածին, / կյանքի հնարավորինս բարձր որակի ապահովմանը:

Նոր գիտելիքները կներդրվեն բաժնի գործունեության մեջ, բուժման նոր մեթոդները կկիրառվեն առօրյայում: