Սիրելի՛ կանայք,

 

ջերմորեն շնորհավորում եմ ձեզ Մարտի 8-ի՝ Կանանց տոնի առթիվ։

Բոլոր ժամանակներում դուք եք դարձրել այս աշխարհը բարի և հիասքանչ, սեր ու կյանք նվիրել, հույս և հավատ ներշնչել, եղել ոգեշնչման և ստեղծարար մղումների աղբյուր։

Այսօր բոլորս հայտնում ենք ձեզ մեր սերն ու հարգանքը, հաջողություն և առաջընթաց մաղթում մասնագիտական ոլորտում, ձեր ընտանիքներին ցանկանում սեր, խաղաղություն և բարօրություն։ Բայց, որպես բժշկական կենտրոնի տնօրեն, ուզում եմ նաև հիշեցնել, որ այս ամենի գրավականը ձեր առողջությունն է։ Հայ կանայք սովորաբար շատ ուշադիր են իրենց ընտանիքի անդամների, հարազատների առողջության նկատմամբ, բայց ո՛չ սեփականի` մոռանալով, որ իրենց ընտանիքի երջանկությունը պայմանավորված է հենց իրենց երջանկությամբ, որն անհնար է առանց առողջության

 

Սիրելի՛ կանայք,

եղե՛ք զգոն և ուշադիր ինքներդ ձեր նկատմամբ։ Դրա համար շատ բան հարկավոր չէ՝ ուղղակի հետևել կանխարգելիչ բժշկության կանոններին ու երբեք չհետաձգել բժշկի այցելությունը՝ դրա փոքր-ինչ անհրաժեշտության դեպքում։

Պահպանե՛ք ձեր առողջությունը ձեր սիրելիների և մտերիմների երջանկության, ձեր մասնագիտական հաջողությունների, մեր երկրի բարեկեցության համար։

Թո՛ղ գարնանային այս օրը լույս և հաջողություններ բերի բոլորիդ:

Թո՛ղ միշտ լինեք սիրված ու գնահատված:

 

Նարեկ Մանուկյան