Новости

Ուռուցքաբանության ազգային կենտրոնում լաբորատոր ծառայությունները ընդլայնվել են և միավորվել ամբողջովին վերանորոգված բաժանմունքում

Ապրիլի 23-ին Վ. Ֆանարջյանի անվան ուռուցքաբանության ազգային  կենտրոնում վերաբացվեց լաբորատոր ծառայությունը` ներառելով այս ոլորտի ախտորոշիչ բոլոր ծառայությունները մեկ համակարգի մեջ:

Ուռուցքաբանության ազգային կենտրոնի լաբորատոր ծառայության ղեկավար բ.գ.դ. Զառա Նիկողոսյանը մեզ հետ զրույցում ներկայացրեց նորաբաց լաբորատոր ծառայության մանրամասները:  

–   Նախկինում կենտրոնում գործող 5 լաբորատոր ծառայությունները գործելու են մեկ բաժանմունքում: Կենսաքիմիայի, կրիտիկական իմունոլոգիայի, միկրոբիոլոգիայի, արյան և կլինիկական լաբորատորիաներն այսուհետ գործելու են շաղկապված, որպես մեկ ընդհանուր համակարգ:


Որպեսզի մեր հիվանդները չգրանցվեն տարբեր լաբորատորիաներում, խուսափեն ավելորդ քաշքշուկից, գրանցման և հետազոտության ամբողջ համակարգն այժմ կգործի շաղկապված` առանց հիվանդի և նրա հարազատների միջամտության: Արդեն իսկ գործում է ընդհանուր գրանցում, որից հետո արյան ընդհանուր հանձնման կետում հիվանդը հանձնում է արյունն ու մնացած գործընթացն իրականացվում է համակարգի ներսում` առանց հիվանդին ավելորդ անհարմարություններ պատճառելու:

–   Ի՞նչ ծառայություններ են ներդրվել վերաբացված բաժանմունքում:

 
–   Բաժանմունքում կատարվում են կենտրոնին անհրաժեշտ բոլոր լաբորատոր հետազոտությունները, որոնք, բացի ընդհանուր հետազոտություններից, ընդգրկում են նաև ուռուցքային հիվանդություններով տառապող հիվանդների բուժման և դինամիկ հսկողության համար անհրաժեշտ հավելյալ հետազոտություններ: Լաբորատորիայի աշխատակիցները ԱՊՀ   երկրների  Ալերգաբանների և իմունոլոգների միության, ինչպես նաև Ալերգաբանության և իմունոլոգիայի եվրոպական ակադեմիայի անդամներ են: Լաբորատորիան օգտվում է Նիցցայի Հոսպիտալային համալսարանական կենտրոնի, ֆրանսիական «Գիտությունն առանց սահմանների» ասոցիացիայի գիտա-խորհրդատվական և տեխնիկական օգնությունից:


–   Լաբորատորիան ախտորոշման մեծ սպեկտոր ունի, բավականացնու՞մ է, արդյոք, մասնագիտական և տեխնիկական ռեսուրսը:

–   Հիվանդի ախտորոշման և բուժման ռազմավարության կազմակերպման, դեղերի և բուժտեխնիկայի ձեռքբերման առումով ուռուցքաբանությունը թանկարժեք ոլորտ է: Ուստի առավել կարևորվում է հնարավորինս ճշգրիտ, օպերատիվ և նորագույն մեթոդներով աշխատանքի կազմակերպումը` հիվանդի ու նրա հարազատների ֆինանսական երբեմն գերջանքերն արդարացնելու: Ներկայում ամեն կերպ ձգտում ենք աշխատել միջազգային չափանիշներին համապատասխան նաև տեխնիկական հագեցվածությամբ: Բոլոր հետազոտություններն, առանց բազառության, վերահետազոտվում են: Կասկածելի արդյունքներն ուղարկվում են վերահաստատման նաև այլ բժշկական կենտրոններում: Լաբորատորիաների միավորումը, բաժանմունքի վերանորոգումը, տեխնիկական վերազինումը թույլ է տալիս խոսել ոլորտի առաջիկա զարգացման նոր ուղիների մասին:


13-09-2025

ՈՒԱԿ Լաբորատոր ախտորոշիչ ծառայությունը վերահավատարմագրվել է ANAB-ի կողմից

Վ. Ա. Ֆանարջյանի անվան ուռուցքաբանության ազգային կենտրոնի լաբորատոր ախտորոշիչ ծառայությունը 2025թ․ վերահավատարմագրվել է ANSI National Accreditation Board (ANAB) հավատարմագրման մարմնի կողմից՝ ստանալով

13-09-2025

«Առողջապահությունն ու արհեստական ինտելեկտի հեղափոխությունը․ օգուտներ, ռիսկեր, ապագա». Դասախոսություն ՈՒԱԿ-ում

Վ. Ա. Ֆանարջյանի անվան ուռուցքաբանության ազգային կենտրոնում անցկացվեց հանրային դասախոսություն՝ նվիրված առողջապահության ոլորտում արհեստական ինտելեկտի (AI) կիրառության արդիական թեմային։ Դասախոսությունը

10-09-2025

ԱԷՄԳ պատվիրակության այցը Վ. Ա. Ֆանարջյանի անվան ուռուցքաբանության ազգային կենտրոն

Վ. Ա. Ֆանարջյանի անվան ՈՒԱԿ-ը հյուրընկալել է Ատոմային էներգիայի միջազգային գործակալության (ԱԷՄԳ) պատվիրակությանը։ Այցը կայացել է ՀՀ Առողջապահության նախարարության և ԱԷՄԳ-ի համագործակցությամբ
Կանխի՛ր կոռուպցիան

Ազդարարման հարցերով պատասխանատու՝ Գոռ Թանայան

ՈՒԱԿ անձնակազմի հաշվառան և գրանցման մասնագետ

Հեռախոսահամարներ՝ 010 205050 - 134 , +347 99 993499

Էլեկտրոնային հասցե՝ gtankyan@bk.ru

Հարգելի՛ այցելուներ,

որակի բարելավման նպատակով խնդրում ենք ձեր առաջարկներն ու դիտարկումներն ուղարկել ՈՒԱԿ տնօրեն Կարեն Ծառուկյանին՝ fanarjiansdirector@gmail.com հասցեով։

Ձեր վստահությունը մեր լավագույն գնահատականն է

Оставить коментарий×