ՈՒԱԿ-ում իրականացվել է հազվադեպ հանդիպող հիվանդության կապակցությամբ վիրահատություն
ՈՒԱԿ-ում իրականացվել է հազվադեպ հանդիպող հիվանդության կապակցությամբ վիրահատություն, որի շնորհիվ վերականգնվել է կերակրափոխի լիարժեք գործառույթը
Ուռուցքաբանության ազգային կենտրոնի Կրծքավանդակային վիրաբուժության և ինտերվենցիոն թոքաբանության բաժանմունք դիմած 70-ամյա պացիենտը մոտ 10 տարի է գանգատվում էր դիսֆագիայից:
Իրականացված կլինիկո-ռենտգենաբանական հետազոտությունների արդյունքում պացիենտի մոտ ախտորոշվել էր կերակրափողի էպիֆրենալ (դիստալ) դիվերտիկուլ:
Բոլոր անհրաժեշտ նախավիրահատական հետազոտություններից հետո իրականացվել էր վիրահատական միջամտություն` թորակոսկոպիկ եղանակով: Շուրջ 4 ժամ տևած վիրահատության ընթացքում կատարվել է հետին մեդիաստինոտոմիա, դիվերտիկուլի մոբիլիզացիա, ապարատային մասնահատում, ապարատային կարի քողարկում` լրացուցիչ անընդհատ կարով:
Վիրահատությունն իրականացրել են թորակալ վիրաբույժ Տիգրան Բյուզանդյանն ու ընդհանուր վիրաբույժ Ավետիք Պետրոսյանը, անեսթեզիան իրականացրել է բժիշկ-անեսթեզիոլոգ-ռեանիմատոլոգ Ստեփան Ֆարսյանը:
Հետվիրահատական շրջանի ավարտին պացիենտի մոտ վերականգնվել է կերակրափոխի լիարժեք գործառույթը:
Մենք չենք դադարում հորդորել, որ ցանկացած նախանշանի դեպքում հարկավոր է դիմել բժիշկի, վաղ ախտորոշվել և դրանով իսկ նպաստել արդյունավետ բուժմանը:
