ԿԼԻՆԻԿԱ

Հոգեսոցիալական աջակցությունը պալիատիվ խնամքում

ՈՒԱԿ Պալիատիվ օգնության բաժանմունքում գործում է համապարփակ հոգեսոցիալական ծառայություն, որը անվճար հիմունքներով հասանելի է բոլոր բուժառուների և իրենց հարազատների համար: Մեր հոգեսոցիալական թիմում ներգրված են հոգեբաններ, սոցիալական աշխատող, հոգեբույժ, կամավորներ:

Հոգեբանը պալիատիվ կլինիկայում իրականացնում է հետևյալ գործառույթները՝

• Առաջնային կարիքների գնահատում, որն ուղղված է պացիենտի և նրա ընտանիքի անդամների ընդհանուր հոգեբանական կարիքների դուրս բերմանը։
• Հոգեբանական խորհրդատվություն, որն ուղղված է հարազատի և ընտանիքի անդամների հոգեկրթմանն ու լուսավորչական աշխատանքին՝այն է՝ օգնել պացիենտին կամ հարազատին ճանաչել և զարգացնել սեփական ներուժը ,աջակցել սեփական վարքում փոփոխություններ կատարել, օգնել ձևավորել կյանքի դժվարությունները հաղթահարելու հմտություներ, աջակցել կենսական կարևոր որոշումների կայացման հարցում և օգնել հաղթահարել մի շարք մարտահրավերներ , որոնք առաջ են եկել կյանքին սպառնացող հիվանդության ախտորոշման և բուժման ընթացքում։
• Հոգեթերապիա պացիենտի և նրա ընտանիքի անդամների հետ։
• Կորստի դեպքում վշտի հետ աշխատանք պացիենտի հարազատների հետ։ Ինչպես նաև պացիենտի մահից հետո հարազատին 6 հոգեթերապևտիկ հանդիպման հնարավորության տրամադրում ։
• Հետադարձ կապ ընտանիքի հետ․ պացիենտի դուրսգրման դեպքում պարբերաբար պահպանվում է հետադարձ կապ՝ տեղեկանալու պացիենտի ներկա կարգավիճակի մասին։

Հոգեբույժը պալիատիվ խնամքի սահմաններում իրականացնում է բժշկական խորդատվություն՝

• պացիենտի տրամադրության,
• քնի,
• տագնապայնության,
• դեպրեսիայի
• և այլ խնդիրների դուրս բերման ու դեղորայքային կարգավորումներ իրակացնելու նպատակով։

Սոցիալական աշխատանքի դերը պալիատիվ խնամքում գործնական կարիքների բավարարման մեխանիզմների փնտրտուքն ու բավարարումն է` թե՛ կոնկրետ հիվանդի, թե՛ նրա ընտանիքի շահերի պաշտպանությանն ու աջակցող համակարգի ստեղծմանն ուղղված մասնագետի մասնակցության մակարդակով։

• Պալիատիվ օգնության բաժանմունքում սոցիալական աշխատողը աջակցում է հիվանդության դժվարին փուլում գտնվող պացիենտին և նրա ընտանիքին՝ հոգեբանի, հոգեբույժի և այլ անհրաժեշտ մասնագետների, ինչպես նաև անհրաժեշտության դեպքում, դեպի պետական և ոչ պետական կառույցներ ուղղորդումներ անելով:
• Ըստ կարիքի գնահատման՝ դուրս է բերում պացիենտի առաջնային կարիքները, խնդրի առկայության դեպքում պլանավորում է խնդրի լուծման գործողությունները՝ պացիենտի հետ համաձայնեցնելով:
• Օգնում է պացիենտներին հարմարվել իրենց կյանքում տեղի ունեցող փոփոխություններին:
• Սոցիալական աշխատողը հանդիսանում է բուժառուի և ընտանիքի անդամների շահերի պաշտպան (ֆունկցիոնալության ստացման կարգի խախտման դեպքի վարում, կենսաթոշակի ստացման պայմանների խախտման վերացում, սոցիալական աջակցությունների ստացման խախտման դեպքում՝ գործընթացի վերականգնում )։

Կամավորները պալիատիվ կլինիկայում իրականացնում են հետևյալ գործառույթները՝

• Կազմակերպում են պացիենտների առօրյա ժամանցը՝ ընթերցանություն, զրույց, խաղեր,ինչպիսիք են նարդին, շախմատը, դոմինոն և այլն,
• Կազմակերպում են միջոցառումներ՝ կինոդիտում, երաժշտական միջոցառումներ, նկարչություն,
• Ստեղծում են կապեր՝ նոր կամավորներ ընդգրկելու նպատակով

Հոգեբանական աջակցման խմբեր