Քաղցկեղի այս տեսակը տարածվածությամբ Հայաստանում առաջատարներից է, ուստի կանխարգելիչ միջոցառումների կազմակերպումը և իրազեկումը Ուռուցքաբանության ազգային կետրոնում առանցքային նշանակություն ունեն:

Հիվանդության վաղ հայտնաբերումը ազդում է բուժման արդյունքների վրա, փոքրանում է միջամտությունների ծավալը, քիմիաթերապևտիկ բուժումից հրաժարվելու հնարավորություն է ստեղծվում, կրճատվում են կրծքագեղձի հեռացմամբ բարդ վիրահատությունների դեպքերը։

Կրծքագեղձում նորագոյացությունների վաղ հայտնաբերումը բարձրացնում է կրծքագեղձի քաղցկեղի լիարժեք բուժման հավանականությունը, նվազեցնում մահացության թիվը մոտ 30%-ով։

2023 թվականի դրությամբ ՀՀ բնակչության շրջանում կրծքագեղձի չարորակ նորագոյացություններով դիսպանսեր հսկողության տակ գտնվում է 14․632 բուժառու, որոնցից 14․336-ը կանայք են:

Քաղցկեղը դատավճիռ չէ․ հետազոտվե՛ք և կանխարգելե՛ք հիվանդության զարգացումը։