Նոր հետազոտության արդյունքները հրապարակվել են քաղցկեղային հիվանդությունների դեմ պայքարի  Ամերիկյան միության պարբերականում, գրում է The Jerusalem Post աղբյուրը:

Իսրայելի Տեխնիոն համալսարանի մասնագետները` Սիրիայի, Իրաքի, Եմենի և այլ արաբական երկրների բժիշկների հետ համատեղ, հերքեցին  տարածված կարծիքն այն մասին, որ բուսական ծագման դեղերն անվտանգ են առողջության համար:

Գիտնականներն այսպիսի եզրակացության են եկել իրականացված հետազոտությունից հետո, որի արդյունքները հրապարակվել են քաղցկեղային հիվանդությունների դեմ պայքարի  Ամերիկյան միության պարբերականում:

 «Քիմիաթերապիա անցնող հիվանդների կողմից դեղաբույսերի անվերահսկելի կիրառումը վտանգում է նրանց առողջությունը: Ուռուցքով հիվանդների կողմից բուսական միջոցների կիրառման տարածվածությունը պայմանավորված է մի քանի պատճառներով. կյանքի որակը բարելավելու փորձերը, քաղցկեղի բուժման ավանդական եղանակների կողմնակի ազդեցությունները նվազեցնելու ցանկությունը, և, իհարկե՛, առողջանալու հույսը», – ասում է գլխավոր հետազոտողներից դոցենտ Էրան Բեն-Արյեն:

Ըստ Բեն-Արյեի խոսքերի, հիվանդները սխալմամբ կարծում են, որ բնական միջոցներով բուժումը չի կարող վնասակար լինել: Սակայն ժողովրդական բժշկությունը շատ հաճախ հիմնված է ոչ հավաստի տեղեկատվության վրա, որը ստացվել է ոչ մասնագետի կամ անգամ խաբեբայի կողմից: Բացի այդ, քիմիաթերապիայի ընթացքում դեղաբույսեր ընդունող հիվանդները` այդ մասին չհայտնելով իրենց բժիշկներին, վտանգի տակ են դնում իրենց առողջությունն ու կյանքը, ավելացրել է մասնագետը:

Մասնագետներն ուսումնասիրել են 44 դեղաբույս, որոնք ուռուցքով հիվանդները հաճախ կիրառում են «լրացուցիչ»  բուժման նպատակով, ոնդ որում, դրանցից 29-ը հեռու էին անվնաս կոչվելուց: Այսպիսով, գիտնականները թույներ և կողմնակի ազդեցություններ հայտնաբերեցին 29-ից 18-ի պարագայում, ուռուցքային հիվանդությունների բուժման նպատակով կիրառվող դեղերի հետ անհամատեղելիություն՝ 15-ի և քիմիաթերապիայի ակտիվության բարձրացում՝ 7 դեղաբույսի  կիրառման դեպքում: Այսքանով դեղաբույսերը կարող են սպառնալիք լինել հիվանդի առողջության համար և նաև բուժման գործընթացում:

Ենթադրությունը, որ դեղաբույսերըն անվտանգ են և բնական բաղադրիչները չեն կարող վնասել,  հեռու են իրականությունից, ընդգծում է  Բեն-Արյեն:

Հետազոտության արդյունքները համընկնում են Տեխնիոնի և MERGIO բազմապրոֆիլ կազմակերպության նախորդ հետազոտությունների հետ: