Ուռուցքաբանության ազգային կենտրոնը շարունակում է ինտենսիվ կերպով զարգանալ՝ նպաստելով բժշկական օգնության բարձր որակի ապահովմանը և պացիենտների հարմարավետությանն ու արագ ապաքինմանը։ Նախորդ շաբաթ Վերակենդանացման և անեսթեզիոլոգիայի բաժանմունքը համալրվել է գերմանական Heyer մակնիշի արտադրության նոր անզգայացման սարքով և թոքերի արհեստական շնչառության սարքով: Անզգայացման սարքը կոմպլեկտացված է գազային անալիզատորով, մոնիտորով, նախատեսված է ինչպես մեծահասակների, այնպես էլ մանկական տարիքի ռեժիմներով:

Սարքավորումների շարունակական ձեռքբերումներից բացի ինտենսիվ կատարվում են նաև շենքի վերանորոգման աշխատանքներ:

Ընթացիկ շաբաթում փոխարինվում են մոտավորապես 2000 մ2 հին պատուհանները` նորերով: Ավարտին են մոտենում երկու վիրաբուժական բաժանմունքների կապիտալ վերանորոգման աշխատանքները և պատրաստվում ենք հանդիսավոր բացմանը: