ԱԽՏՈՐՈՇԻՉ ԾԱՌԱՅՈՒԹՅՈՒՆ

ՈՒԱԿ Ախտորոշիչ ծառայությունը հագեցած է առաջատար և գերժամանակակից ախտորոշիչ սարքավորումներով, որոնց կիրառմամբ կարճ ժամկետներում իրականացվում է ճշգրիտ ախտորոշում, հիվանդությունների զարգացման վաղ փուլերում հայտնաբերում։ Ծառայությունն առաջարկում է ախտորոշիչ ծրագրերի լայն սպեկտոր` ստանդարտ պլանային հետազոտություններից մինչև համալիր, համակցված հետազոտություններ:

Ախտորոշման ծառայությունում իրականացվում են հետևյալ հետազոտությունները․

Գերձայնային և դուպլեքս հետազոտություններ՝

• որովայնի և փոքր կոնքի խոռոչների օրգանների,
• հետորովայնամզային տարածության օրգանների,
• վահանաձև գեղձի,
• փափուկ հյուսվածքների,
• հոդերի,
• վերջույթների, որովայնի և պարանոցի անոթների դուպլեքս հետազոտություն,
• Fusion համակարգով հետազոտություններ, որն իրականացվում է վերջին սերնդի CANON MEDICAL SYSTEMS APLIO I800 A դասի գերձայնային սարքավորումով, որն աշխարհում համարվում է ամենաժամանակիցն ու լավագույններից մեկը․ ՈՒԱԿ-ի կողմից ձեռք բերված այս սարքավորումը Հայաստանում համարվում է եզակի իր տեսակի մեջ։

Կրծքագեղձի հետազոտություններ՝ մամոգրաֆիա և ԳՁՀ

• կրծքագեղձի գոյացությունների պունկցիա և բիոպսիա սոնոգրաֆիկ հսկողությամբ,
• գոյացությունների կամ պաթոլոգիկ օջախների նախավիրահատական նշում սոնոգրաֆիկ հսկողությամբ,
• պաթոլոգիկ օջախների ասեղային ուղեցուցային լոկալիզացիա մամոգրաֆիկ հսկողությամբ,
• կրծքագեղձերի գոյացության կամ պաթոլոգիկ օջախի հեռացված նմուշի ռադիոգրաֆիա:

Ռենտգեն հետազոտություններ՝

• կրծքավանդակի օրգանների, ոսկրա-հոդային համակարգի,
• ստամոքս-աղիքային համակարգի,
• միզա-սեռական օրգանների:

Դենսիտոմետրիա

Այս հետազոտությունն իրականացվում է Hologic ընկերության վերջին սերնդի՝ 2020 թվականի արտադրության ռենտգեն դենսիտոմետրիկ սարքով, որը եզակի է Հայաստանում։

Համակարգչային շերտագրում՝ ինվազիվ միջամտություններ ՀՇ հսկողության ներքո:

*ՀՇ-ն իրականացվում է ժամանակակից հետազոտական սարքավորում՝ SIEMENS Healthineers SOMATOM go.UP համակարգչային տոմոգրաֆի միջոցով: Այն հնարավորություն է տալիս կարճ ժամանակահատվածում հետազոտել պացիենտներին, իրականացնել ճշգրիտ ախտորոշում, ուռուցքային հիվանդությունների դեպքում հայտնաբերել տարածվածության աստիճանը։ 

ՄՌՏ հետազոտություն, որն իրականացվում է 2023 թվականի սեպտեմբերին շահագործման հանձնված նոր մասնաշենքում: Մագնիսա-ռեզոնանսային տոմոգրաֆիկ հետազոտությունն իրականացվում է ժամանակակից General Electric սարքով: Սարքը հագեցված է բոլոր այն ծրագրերով, որոնք թույլ են տալիս վաղաժամ հայտնաբերել տարբեր պաթոլոգիկ փոփոխություններ՝ կատարելու դրանց դինամիկ հսկողությունը, ինչպես նաև բուժման արդյունավետության գնահատումը:

Միջուկային ախտորոշում

• ոսկրերի սցինտիգրաֆիա,
• երիկամների սցինտիգրաֆիա,
• վահանաձև գեղձի սցինտիգրաֆիա,
• լիմֆոսցինտիգրաֆիա:

*Սցինտիգրաֆիան իրականացվում է Հայաստանում եզակի՝ MEDISO Any Scan SPECT/CT համակցված (սցինտիգրաֆիա և ՀՇ) համալիրով։

Ինչպես նաև՝

• Ինտրաօպերացիոն գերձայնային հետազոտություններ:
• Ինվազիվ միջամտություններ, այդ թվում բիոպսիա, գերձայնային հսկողության ներքո:
• Սպիրոմետրիա:

Հեռ․՝ +37410205050, ներքին՝ 215