Շուրջ ութ տասնամյակ առաջ որոշում ընդունվեց Հայաստանում զարգացնելու ուռուցքաբանությունը և ստեղծելու քաղցկեղի ուսումնասիրման ու բուժման գիտահետազոտական կառույց: Այդ տարիների ընթացքում՝ կայացման ճանապարհին, անխուսափելի մարտահրավերներին դիմակայելով, կառուցվել է մեր կենտրոնը՝ գիտակցելով մեր երկրում ապրող քաղաքացու առողջության ու կյանքի բարձր որակի ապահովման կարևորությունը: Ուռուցքաբանության զարգացումը մեծագույն երազանք էր, որի իրականացումը պրոֆեսիոնալ բժիշկների համառ պայքարի ու գաղափարական նվիրումի արդյունք է:

Իսկ այսօր արդեն մենք ենք շարունակում այդ նվիրական աշխատանքը` վստահ լինելով, որ հասնելու ենք այնպիսի փուլի, երբ քաղցկեղ ունեցող քաղաքացու բուժումը ամբողջությամբ իրականացվելու է մեր երկրում: Դրան հասնելու ենք, մասնավորապես, նոր սարք-սարքավորումների ձեռքբերումով, բժիշկների վերապատրաստումներով, տարբեր աշխարահռչակ մասնագիտացված կենտրոնների հետ համագործակցումներով: Բայց, որ ամենից առաջնայինն է, մեր բնակչության մեջ պետք է արմատացնել պարբերաբար ստուգումների, հիվանդությունների վաղ կանխարգելումների կարևորությունը, և այս ճանապարհին կաևոր է յուրաքանչյուրիս անհատական ներդրումն ու նվիրումը:

Ուռուցքաբանության ազգային կենտրոնը անում է ամեն ինչ՝ ձեր առողջության և երկարակեցության համար: