ԿԼԻՆԻԿԱ

Նեյրոօնկոլգիական բաժանմունքը կազմավորվել է 1983 թվականի հոկտեմբերին` բ.գ.թ., դոցենտ Գեորգի Կարապետի Ժամկոչյանի ղեկավարությամբ, ընդ որում՝ այն առաջինն էր իր տեսակով ողջ ԽՍՀՄ-ում։

Տասնամյակների ընթացքում բաժանմունքում կատարվել է մոտ 7000 վիրահատություն` կենտրոնական նյարդային համակարգի ուռուցքների և այլ նյարդավիրաբուժական հիվանդությունների կապակցությամբ:

Բաժանմունքը հագեցած է ժամանակակից սար-սարքավորումներով, մասնավորապես՝ Leica ընկերության նոր սերնդի միկրոսկոպ։

Բաժանմունքում ներդրված է և հաջողությամբ կիրառվում է Հայաստանում եզակի ներվիրահատական տեղային քիմիաթերապիայի մեթոդը:

Բաժանմունքում բուժվում են նյարդային համակարգի բարորակ և չարորակ նորագոյացություններով տառապող հիվանդներ, ովքեր ենթարկվում են բարդագույն վիրահատությունների: Հիվանդների բուժումը հաճախ համակցվում է ճառագայթային և քիմիաթերապևտիկ միջամտություններով:

Բաժանմունքն ունի գիտամեթոդական ներդրումներ նյարդաուռուցքաբանության ասպարեզում: 

Բաժանմունքի անձնակազմի գիտական հետաքրքրություններն են.

• ներվիրահատական տեղային քիմիաթերապիայի մեթոդը,
• գլխուղեղի մետաստատիկ ուռուցքների ախտորոշումը և ժամանակակից վիրաբուժական մեթոդների կիրառումը,
• հետին գանգափոսի ուռուցքների հեռացման օպտիմալացումը,
• հիպոֆիզի ադենոմայի կապակցությամբ վիրաբուժական մեթոդների կիրառումը:

Հեռ․ +37410205050, ներքին՝ 191,192