ԿԼԻՆԻԿԱ
Անձնակազմ
![](/images/gallery/gallery_1705477251170547725165a784830ddf3.jpg)
![](/images/gallery/gallery_1705477251170547725165a784835672f.jpg)
![](/images/gallery/gallery_1705477251170547725165a78483b90f2.jpg)
![](/images/gallery/gallery_1705477252170547725265a784840dbed.jpg)
![](/images/gallery/gallery_1705477252170547725265a7848457857.jpg)
![](/images/gallery/gallery_1705477252170547725265a7848481133.jpg)
![](/images/gallery/gallery_1705477252170547725265a78484b8bae.jpg)
![](/images/gallery/gallery_1705477252170547725265a78484cf949.jpg)
![](/images/gallery/gallery_1705477252170547725265a78484e0f4f.jpg)
![](/images/gallery/gallery_1705477253170547725365a78485275d1.jpg)
![](/images/gallery/gallery_1705477253170547725365a78485366d3.jpg)
![](/images/gallery/gallery_1705477253170547725365a78485570de.jpg)
![](/images/gallery/gallery_1705477253170547725365a78485af81f.jpg)
![](/images/gallery/gallery_1705477253170547725365a78485be296.jpg)
Ներխոռոչային և ներհյուսվածքային ճառագայթային թերապիայի բաժանմունքում իրականացվում է կանանց սեռական օրգանների չարորակ նորագոյացությունների ճառագայթային բուժում: Բաժանմունքում կատարվում է արգանդի վզիկի, մարմնի, հեշտոցի քաղցկեղի բուժում` նոր մեթոդների մշակմամբ:
Բաժանամունքը առաջինն ու միակն է Հայստանում, որտեղ իրականացվում է 2D և 3D բրախիթերապիա։
Ներխոռոչային և ներհյուսվածքային ճառագայթային թերապիայի բաժանմունքում, ճառագայթային բուժման բոլոր տեսակներին զուգահեռ, անցկացվում է նաև քիմիաթերապիա, ինչը համապատասխանում է ժամանակակից ուղեցույցներին:
Բաժանմունքի կլինիկական գործունեության հիմնական ուղղությունները
Համակցված ճառագայթային բուժում արմատական բուժման ծրագրով, ինչպես ինքնուրույն տարբերակով, այնպես էլ քիմիաթերապիայի հետ զուգակցված (ցիսպլատին կամ պլատինի ածանցյալներ ճառագայթային դոզայի ավանդական և ոչ ավանդական բաժնեվորմամբ) `արգանդի վզիկի քաղցկեղի ուշացած դեպքերի, արգանդի մարմնի, հեշտոցի ոչ վիրահատելի քաղցկեղի բուժման դեպքում:
Արգանդի վզիկի, արգանդի մարմնի քաղցկեղի նախավիրահատական և հետվիրահատական ճառագայթային և քիմիաճառագայթային բուժում:
Ուղիղ աղու ներլուսանցքային 3D բրախիթերապիա։
Հիվանդության տարածված ձևերի դեպքում` հիվանդների ամոքիչ (պալիատիվ) ճառագայթային բուժում:
Ռեցիդիվների և հեռակա մետաստազների բուժման անհատականացում, կրկնակի ճառագայթում:
Ախտանշային բուժում:
Ճառագայթային բարդությունների բուժում:
Բաժանմունքի հագեցվածություն
Բաժանմունքի ճառագայթային բլոկում գտնվում է microSelectron HDR, Իրիդիում 192 Genie սարքը՝ նախատեսված գինեկոլոգիական քաղցկեղի բուժման համար, Ci Arm ռենտգեն սարքը` տոպոմետրիայի իրականացման համար:
microSelectron HDR սարքավորման դրական գործոններն են․
- սարքավորման բարձր թողունակությունը,
- հարմարավետությունը՝ ճառագայթման սեանսների տևողության կրճատման հաշվին,
- բուժման լրիվ կուրսի տևողության, գումարային օջախային դոզայի նվազեցում,
- հարակից օրգանների վրա դոզայի նվազեցում,
- ամբուլատոր բուժման հնարավորություն,
- ճառագայթային ազդեցության գոտում հիվանդի երկարատև մեկուսացված մնալով պայմանավորված` հոգեհուզական սթրեսի վերացում:
Բաժանմունքը համալրված է նաև վերջին սերնդի գերմանական BEBIG ընկերության SagiNova (Cobalt 60) բրախիթերապիայի համար նախատեսված սարքով։
Գիտական գործունեության հիմնական ուղղությունները
- Արգանդի վզիկի քաղցկեղի զարգացման վրա պապիլոմավիրուսային վարակի բոլոր շճատիպերի և հերպես 2 վիրուսի ազդեցության ուսումնասիրում:
- Ուսումնասիրվում են արգանդի մարմնի և վզիկի քաղցկեղի նախա- և հետվիրահատական ճառագայթային բուժման ծրագրերը, ներխոռոչային ճառագայթման նոր ռիթմերը և ֆրակցիաները, որոնք հիմնավորվում են ֆիզիկոդոզիմետրիկ գնահատականներով:
- microSelectron HDR բրախիթերապևտիկ սարքավորման համար մշակվում են բաժնեվորման նոր ռեժիմներ:
Բաժանմունքի աշխատակիցները սերտ համագործակցում են առաջատար գիտահետազոտական հաստատությունների և մի շարք եվրոպական երկրների կլինիկաների հետ, մասնակցում են սեմինարներին և միջազգային կոնֆերանսներին: Բաժանմունքի բոլոր աշխատակիցները ESTRO անդամներ են:
Հեռ․ +37410205050, ներքին՝ 204, 217
24-07-2024
«Զգում էի, որ կերածս չի գնացել, ստամոքս չի իջել, ջուր էի խմում ու այդ պահին կարող էի հետ տալ»․ Անահիտ
22-07-2024
8 ժամ տևած վիրահատությունը հաջողությամբ ավարտվել է․ տղամարդու թուշը վերականգնվել է կրծքամկանի լաթով
17-07-2024
ՈՒԱԿ Որովայնային և էնդովիրաբուժության բաժանմունքն ընդլայնվել է
Ազդարարման հարցերով պատասխանատու՝ Գոռ Թանայան
ՈՒԱԿ անձնակազմի հաշվառան և գրանցման մասնագետ
Հեռախոսահամարներ՝ 010 205050 - 134 , +347 99 993499
Էլեկտրոնային հասցե՝ gtankyan@bk.ru