Ղեկավար կազմ

Կարեն Ծառուկյանը ծնվել է 1979 թվականի հուլիսի 29-ին։

1996-2002 թվականներին սովորել է Երևանի Մխիթար Հերացու անվան պետական բժշկական համալսարանի բուժական գործ ֆակուլտետում:

2002-2004 թվականներին անցել է հետբուհական կրթություն ՀՀ ԱՆ ակադեմիկոս Ս. Ավդալբեկյանի անվան Առողջապահության ազգային ինստիտուտում՝ ստանալով ուռուցքաբանի որակավորում։

2004-2006 թվականներին ծառայել է Պաշտպանության բանակում` նախ որպես N զորամասի բուժկետի պետ (2004-2005), ապա որպես N զորամասի բժշկական ծառայության պետ (2005-2006): 

2007-2019 թվականներին աշխատել է ՀՀ ԱՆ Վ.Ա. Ֆանարջյանի անվան Ուռուցքաբանության ազգային կենտրոնի Օնկոուրոլոգիական բաժանմունքում որպես ուռուցքաբան։

2014 թվականին Կարեն Ծառուկյանին շնորհվել է բժշկական գիտությունների թեկնածուի գիտական կոչում:

2015 թվականին Երևանի Մխիթար Հերացու անվան պետական բժշկական համալսարանի կողմից շնորհվել է բժիշկ-մասնագետի որակավորում «ուրոլոգիա» մասնագիտությամբ:

2019 - 2025 թվականներին ղեկավարել է ՀՀ ԱՆ Վ.Ա. Ֆանարջյանի անվան Ուռուցքաբանության ազգային կենտրոնի Օնկոուրոլոգիական բաժանմունքը:

2025 թվականի ապրիլի 7-ից նշանակվել է ՀՀ ԱՆ Վ.Ա. Ֆանարջյանի անվան Ուռուցքաբանության ազգային կենտրոնի տնօրենի ժամանակավոր պաշտոնակատար: 


2025 թվականի սեպտեմբերի 9-ին ՀՀ ԱՆ նախարար Անահիտ Ավանեսյանի հրամանով նշանակվել Վ.Ա. Ֆանարջյանի անվան Ուռուցքաբանության ազգային կենտրոնի տնօրեն: