Հարգելի՛ գործընկերներ,

տեղեկացնում ենք, որ երկուշաբթի (մայիսի 29-ին)՝ ժամը 09:00-ին, Պրոֆեսոր Հայրապետ Գալստյանի անվան դահլիճում հյուրընկալելու ենք Իտալիայի AIMS ակադեմիայի մշտական անդամ, Վարազե քաղաքի Սետտե Լագգիի Ուռուցքաբանական և մինի ինվազիվ վիրաբուժության բաժանմունքի տնօրեն, վիրաբույժ Էուջենիո Կոկոձային և նույն բաժանմունքի ինվազիվ վիրաբույժ Լորենցո Լիվրագիին:

Իտալացի մասնագետները Հայաստան են ժամանել իրենց փորձով կիսվելու և ՈւԱԿ-ի գործընկերների հետ համատեղ վիրահատություն իրականացնելու նպատակով:

Պրոֆեսոր Կոկոձան մինչ վիրահատությունը հանդես կգա կարճ զեկույցով, որին կհաջորդի բուն վիրահատությունը:

Իրականացվելու է լյարդի մասնահատում՝ լապարասկոպիկ եղանակով. այս վիրահատությունը բացառիկ է ՈՒԱԿ-ի համար:

Վիրահատությանն ուղիղ հեռարձակմամբ հնարավոր կլինի հետևել դահլճից, ինչպես նաև ընթացքում հարցեր ուղղել վիրահատարանում գտնվող վիրաբույժներին: Նախապես գրանցվելու անհրաժեշտություն չկա: Մասնակցությունն ազատ է:

Հասցե՝ Ֆանարջյան 76